Wikipedia:點解我加同埋改啲嘢保存唔到？

呢版係篇論文；唔同政策同指引，佢只反映一啲編者嘅意見。若有需要，請更新佢，又或者響討論版度傾。

喺粵文維基百科嚟講，每一版嘅嘢都會係用粵文嚟寫嘅，如果唔係用粵文去寫嘅話，噉當然就唔能夠保存得到啲嘢喺粵文維基百科入面喇。呢一版係解釋一啲原因點解有關嘅編輯係唔能夠喺粵文維基百科裏面保存落嚟。

睇吓原先嘅文字發生咗啲乜嘢事

睇返公開咗嘅過濾器紀錄

喺一啲嘅情況之下，可能會搵得到有關嘅過濾紀錄，噉就可以搵返嗰件紀錄，可能會有提示點樣去改返有關嘅字，改好之後重新交多一次改動就得。

睇返有冇一啲國文、國語、或者任何官話嘅字喺入面

對於新手嚟講，寫咗一篇文章之後，睇落去似乎係一篇完整嘅粵文噉樣，喺保存有關嘅改動之前，唔該睇返晒整篇文章或者要保存嘅文字有冇任何一啲喺國文官話用得到嘅字或者詞，常見嘅可以用下面個清單去睇：（如果係用緊瀏覽器嘅話，通常用搵嘢嘅功能都會做得到，喺鍵盤上面可以撳 Ctrl+F 或者 ⌘+F去做呢個動作）

官話嘅字	應該要改用粵文嘅字	例句
了（單字利用）	咗	第二次世界大戰改變咗成個世界嘅格局。
是（單字利用）	係	地球係太陽系入面嘅一粒行星。
在（單字利用）	響 / 喺	北美洲係地球響西半球同北半球嘅一大洲。
的（單字利用）	嘅	維基百科嘅目標係為地球上嘅每一個人提供自由嘅百科全書。

另外，喺國文或者語體中文維基百科用到嘅行話對於新手嚟講亦都係唔可以保存嘅，有啲乜嘢行話係用得嘅，Wikipedia:出貓紙可以幫到你。 對於唔係新手嘅用戶，亦可能會因應一啲極端嘅情況之下，而唔能夠保存，喺上面亦都可以搵得到嘅主要原因。

加喺引用文字段嘅字

基於上面同樣嘅原因，新手亦都可能會有加入引用字有國文而唔能夠保存嘅問題，如果係呢個情況嘅話，噉唔該做多幾次嘅編輯，等多幾日之後，到『自動確認』嘅狀態拎咗之後，呢個嘅限制就會自動解除。又或者可以透過請求，去申請一個『確認』嘅狀態，去解除呢個限制，管理員會按照返新手嘅編輯紀錄去決定批唔批出有關嘅請求。

噉我可以點樣做

你可以睇返係咪上面所講嘅其中一個原因，如果係嘅話，噉就跟返上面嘅提示，改返好之後，再發佈有關嘅改動。

我所寫嘅文章係一篇以書面語所寫嘅文章嚟

如果係噉樣嘅情況嘅話，噉即係表示喺你嚟錯咗地方，呢度係粵文維基百科，寫國文官話嘅話唔該去返中文維基百科寫文。

有啲乜嘢係唔應該做嘅

唔好咁有攻擊性噉，總係話個過濾器或者有關嘅嘢出咗問題，睇返上面嘅原因同埋處理方法先。如果跟咗上面嘅方法修正過後仲係發生問題嘅話，最後嗰步先至去報錯版申報報錯。因為多數有關嘅報錯係未睇過上面嘅修正方法就噉出嚟報錯，未睇返本身個文字喺邊度出咗問題嘅，而會得出個回報結果係唔見有問題。