Wikipedia:編輯戰
(由Wikipedia:3RR跳轉過嚟)
 | 呢版係粵語維基百科正式政策，維基友普遍接受，通常都要跟足。改佢之前要有共識先，重要嘅修改要響討論版傾過，同埋喺大圍報告版宣布過。 |
編輯戰係指兩位或多位作者就一篇文點改傾唔掂數，而不停重覆復原對方嘅改動。呢種行為係唔可以接受，有機會畀管理員封鎖，所以應該要傾共識。
三次打回頭規則
編輯三次打回頭規則（英文：three-revert rule，3RR）係各個維基百科通用嘅規則，內容係：
喺一日內反轉三次，第二日反轉第四次嘅話會被判斷成濫用規則（Gaming the system），都會被封鎖。
呢個規則適用於維基百科嘅全部頁，包括傾偈版同計劃版。
呢度講到嘅一次「反轉」即取消其他維基友嘅編輯或者係管理嘅行為，唔理係全部版面仲係部分版面。喺無其他維基友編輯嘅情況下，一位編者連續嘅反轉行為都睇成一次反轉。
以下嘅情況有得豁免：
- 復原自己嘅編輯。
- 復原自己用戶空間頁面嘅編輯，前提係遵守用戶頁指引。
- 復原封鎖咗、禁制咗嘅用戶同襪公仔嘅編輯。
- 復原明顯破壞嘅編輯，譬如亂刪嘢同亂加嘢。
- 復原明顯侵犯版權或者唔符合公平使用內容嘅編輯。
- 復原明顯違反美國法律嘅編輯，譬如兒童色情同翻版軟件。
- 復原明顯違反在生人士政策嘅編輯，譬如涉嫌誹謗嘅內容。
明顯嘅嘢應該係冇乜爭議嘅。如果搞到因為爭拗明唔明顯而反轉嚟反轉去嘅話，就唔好繼續反轉喇，停一停，喺討論版傾下，同埋搵其他編輯幫眼啦。
睇埋
編輯- 英文維基百科：Wikipedia:Edit warring