Wikipedia:歸屬
(由Wikipedia:Attribution跳轉過嚟)
 |
|
以下係篇提議緊嘅維基百科政策、指引或者程序。篇提議可能重喺度討論緊，又或者尋求緊共識。喺爾版嘅參考或者連結唔應該當做「政策」。
接受定拒絕提議係唔會數票數噉定。 |
 | 一句講嗮：所有喺維基百科嘅嘢都要歸屬於一個穩定嘅同埋印刷咗嘅來源。 |
| 維基百科嘅政策 |
|---|
| 文章嘅標準 |
| 同維基友合作 |
維基百科係一部百科全書 - 即係話，佢係一個已經建立咗嘅知識嘅集合。資料入唔入得去維基百科視乎啲嘢係唔係可以歸屬於一個穩定嘅同埋印刷咗嘅來源，唔係我哋認唔認為佢哋係真。維基百科唔係一度去畀你出版你自己嘅見解、經驗、或者論點嘅地方。
雖然喺維基百科樣樣嘢都要能夠歸屬於一個來源，習慣上並唔係樣樣嘢都已經歸屬咗嘅。編者應該為引述同埋好可能會被挑戰嘅嘢提供來源，唔係嘅話佢哋可能會俾人拎走。證據責任係喺想加或者留低啲嘢嘅編者嗰邊。如果有篇文章根本就揾唔到來源嘅話，咁維基百科根本就唔應該有篇咁嘅嘢啦。
基本原則
編輯穩定來源
編輯唔可以有原創研究
編輯乜嘢先叫做原創研究?
編輯如果啲料：
- 介紹理論、解難方法、或者任何原創嘅諗法
- 定義或者介紹新詞，或者提供現有詞語嘅新用法
- 引入一個論點，而嗰個論點完全冇同文章題目有關嘅來源
- 引入一個分析、組合、解釋或者係已經出版咗嘅事實、觀點、或者係論點，而冇同文章題目有關嘅來源
咁啲料就係原創研究嘞。
出版咗嘅資料嘅組合，但係組合冇出版
編輯啲編者成日犯一個錯誤，就係以為如果A係已經由一個穩定嘅來源出版咗，而B亦都係已經由一個穩定嘅來源出版咗，咁A同B就可以合成嚟前進到C嘞。但係原來咁樣係會造成一個未出版嘅組合，係原創研究嚟嘅。淨係得呢個組合都已經由一個穩定嘅來源出版咗，先至係可以接受嘅。
有乜嘢唔係原創研究?
編輯編者可以做一個直接嘅數學運算，或者係基於已歸屬嘅資料而進行嘅邏輯推算。任何讀者都應該唔需要啲乜嘢特別知識去明白啲推論㗎嘞。例如話，如果一個已經出版嘅來源畀咗一個參選者嘅得票率，將百分率加喺啲數字隔離並唔算做原創研究。
原創圖片
編輯啲圖片一直都係豁免於呢條政策，維基百科鼓勵編者去影相或者畫嘢，然後上載上嚟，將佢哋以GFDL或者另一種嘅自由嘅協議發表，嚟做文章嘅插圖。呢個係因為圖片通常都唔會去介紹一個未出版嘅觀點。呢個亦都係因為受版權法所限，網上唔係有好多可以自由利用嘅相。所以編者嘅貢獻係好重要嘅。
但係呢樣嘢有一個缺點，就係會有啲相擺咗喺度嚟誇大現實。如果呢啲相會影響佢哋嘅百科價值，應該拎去删除表嗰度。啲包含原創研究嘅相都係唔畀嘅。