Wikipedia:IP封鎖例外

呢版係粵語維基百科正式政策，維基友普遍接受，通常都要跟足。改佢之前要有共識先，重要嘅修改要響討論版傾過，同埋喺大圍報告版宣布過。

一般嚟講長期封鎖嘅IP位址或範圍唔會影響登入咗嘅用戶。然而，有時係需要將匿名用戶同已登入用戶一齊封，以防止進一步嘅破壞。

管理員係擁有封鎖例外權，所以呢類封鎖對管理員唔會構成任何影響。一般用戶則需一個妥善理由申請用戶嘅IP封鎖例外權。

IP封鎖例外權容許編者做編輯而不受封鎖干擾。因為封鎖唔係自己過失造成，佢哋成日用嘅IP會以其他方式被封鎖。IP封鎖例外令佢可以喺無干擾嘅情況下編輯。另外，IP封鎖例外權容許用戶透過匿名代理伺服器（例如Tor）編輯。獲得IP封鎖例外權嘅用者如果違反政策，包括未經授權用代理伺服器編輯、涉嫌賬戶濫用同其他不合適嘅行為，都可能導致佢嘅許可權被拎走。