Wikipedia talk:2013年頭版設計建議/初選

用戶

點解唔「包括IP用戶（未註冊用戶) 」？只要有貢獻過嘅就冇問題。截止日期點解係 15 號，唔係提出設計建議嗰時？冇貢獻過都得，會唔會有種票或襪公仔之嫌？ --WikiCantona (傾偈) 2013年8月13號 (二) 04:26 (UTC)

冇記錯，好似有條例IP用戶唔可以投票，註冊用戶要係自動確認用戶。Danny♪Chan 2013年8月13號 (二) 04:31 (UTC)

點解先？唔合理。有 history 睇到佢有冇貢獻過 --WikiCantona (傾偈) 2013年8月13號 (二) 04:51 (UTC)

Wikipedia:投票 ：投票嘅時候，只有已經登入嘅用戶投嘅票先至有效嘅。匿名人士投嘅票喺點人頭嘅時候唔會算數，但係佢哋嘅意見會同其他人嘅意見一齊考慮。Danny♪Chan 2013年8月13號 (二) 05:02 (UTC)

因為註冊用戶用襪公仔可以通過元維基check user來發現，但係一個人用幾個IP地址來做襪公仔（去唔同嘅咖啡廳重新連線上網，就拿到一個新嘅IP地址），就可能連check user都鞭長莫及嘞。另一方面，同一個IP地址好容易被幾個人共用，所以我等根本唔知到底有幾多人貢獻過。如果一個IP地址話有幾個人共用嘅話，要求投幾票就佢等講晒，我等無從驗證。 — 粵語文學大使殘陽孤侠 2013年8月13號 (二) 05:06 (UTC)

所以要個 ip 某個時限之前要有一定嘅貢獻囉。「幾個人共用」咁有點？都係得一票。「如果一個IP地址話有幾個人共用嘅話，要求投幾票就佢等講晒」不成理，有冇人咁講先？亦唔合 logic，亦唔係理由唔畀人投，一個 ip 限一票，規矩呢度定，而家傾。你地知唔知乜嘢係 dynamic ip？Dynamic IP 係由電訊公司隨機咁畀出，唔係話你要邊個 ip 就攞得到，呢度有幾多ip user 有唔少貢獻嘅眞係一隻手數晒， 所以擔心用 ip 種票不如擔心襪公仔啦。只要用 auto confirm 嘅門檻就 okay，即係登記咗X日，做過N個Edits.。唔係即日登記，做過一過edits就得，咁嘅門檻即係鼓勵襪公仔。--WikiCantona (傾偈) 2013年8月13號 (二) 06:41 (UTC)

係資格嘅問題。Danny♪Chan 2013年8月13號 (二) 09:28 (UTC)

IP地址可以轉，可能幾個IP都係同一個人。Danny♪Chan 2013年8月13號 (二) 09:29 (UTC)

IP用戶可以表達意見，但唔會當有效票數。Danny♪Chan 2013年8月13號 (二) 09:31 (UTC)

「IP地址唔可以投票」呢個規矩響其他維基甚至係維基元都通用，所以唔可以放寬。不過如果話「8月15號（初選開始）前有至少1次編輯嘅用戶」條件太鬆，我都唔反對去收緊到「7月31號（設計開始）前有自動確認用戶資格嘅用戶」。--Kowlooner (傾偈) 2013年8月13號 (二) 12:29 (UTC)

可唔可以推遲投票一兩日呢？啲規矩就未傾得晒，乜嘢係「合資格嘅用戶」？用上面 Kowlooner 嘅題議定係原本嘅？我覺得用緊啲嘅自動確認用戶做法 okay，不過，又驚影響表態嘅人數，大家點睇？--WikiCantona (傾偈) 2013年8月15號 (四) 22:45 (UTC)

我都叫咗尐係8月12-14日加入嘅用戶投票，唔好改la!--Se dx (傾偈) 2013年8月16號 (五) 13:03 (UTC)

8月15號（初選開始）前有至少1次編輯嘅用戶

太寬，要改。– Danny♪Chan 2013年8月16號 (五) 12:43 (UTC)

反對，己經開始，木己成舟，改會令人以為我地玩野。--鍾偉逸 (傾偈) 2013年8月16號 (五) 12:48 (UTC)

絕對反對，都開始咗，唔好出爾反爾!--Se dx (傾偈) 2013年8月16號 (五) 12:55 (UTC)

投票開始前有半個月準備初選，但除咗WikiCantona對投票資格有提出過意見之外，大家都唔出聲，到而家投票開始咗嘞，先至話要改，你話應該點做好？係咪要腰斬投票再搞過呢？查實本來投票資格本身冇乜問題，當年Wikipedia:Wikipedia嘅命名都冇話一定要編輯過先至有得投票（事實上當中唔少人投完票就冇再出現過，但從來冇人質疑過投票結果）。如果今次投票有出現懷疑種票嘅情況，可以對嫌疑人進行Checkuser程序。--Kowlooner (傾偈) 2013年8月16號 (五) 15:05 (UTC)

我會將所有（2013年8月15號23:59前）響粵語維基百科編輯過最少一次嘅註冊用戶做Check User.

防種票。– Danny♪Chan 2013年8月16號 (五) 13:03 (UTC)

唔洗掛!有可疑先做la!--Se dx (傾偈) 2013年8月16號 (五) 13:12 (UTC)

你都有份。– Danny♪Chan 2013年8月18號 (日) 15:33 (UTC)

User:makivan1733，de pan c方案作廢

原因:用襪公仔。– Danny♪Chan 2013年8月21號 (三) 06:36 (UTC)

無人理？

初選叫做完咗（參與投票人數慘不忍睹），下一步想點？（另外根據之前討論，入圍其中一個條件係「贊成票必須多過反對票」，所以嚴格來講WikiCantona個方案都唔可以入圍，不過如果話要一定湊夠三個入圍方案，咁我就隻眼開隻眼閉啦。）--Kowlooner (傾偈) 2013年9月24號 (二) 15:27 (UTC)

當然畀我嘅作品入啦 ;-) ，我都唔記得投票。三個入選，下一步囉。睇喺會唔有人優化，冇人理先算--WikiCantona (傾偈) 2013年9月24號 (二) 23:54 (UTC)

其實就算你記得投票，根據規矩都冇得贊成自己作品，所以結果都係一樣。我都係因為呢個規矩，最後冇去投票（贊成人地作品會減低自己作品當選機會，但反對人地作品嚟拉低人地個贊成率又太唔君子）。--Kowlooner (傾偈) 2013年9月28號 (六) 12:07 (UTC)