氙（粵拼：sin1，舊名氠、氥，英文學名Xenon）係元素一種，符號Xe，原子序號54，原子重量131.2936。佢密度0.005887，溶點161.45，沸點165.03，熱容量有0.158，電負度有2.6。氙係一種冇色嘅稀有氣體，將佢放電嗰陣呈藍色。
已知嘅氙嘅同位素有32種，包括氙113、氙115至氙145。
氙同其他同族元素（稀有氣體），唔易同其他物質產生化學作用，但自從1962年起，陸續發現咗氙嘅化合物。目前已知氙有80幾種化合物，包括氟化物（二氟化氙、四氟化氙、六氟化氙）、氯化物、氧化物、同埋高氙酸鈉。三氧化氙具有高度爆炸性。除咗個別化合物之外，氙化合物都係冇色嘅。
