丁原

丁原（粵拼：ding¹ jyun⁴；？—189年），字建陽（gin³ joeng⁴），係東漢末年嘅官吏、將領，亦係地方豪強之一。佢參加咗三國開頭時嘅軍閥戰爭，最後喺董卓手下失敗。

丁原
清代《三國演義》嘅丁原插畫
東漢 官員、將領
死	189年 洛陽
活躍時期	189年
遞啲名
字	建陽

出身

丁原出身窮家，雖然份人好粗，不過好夠膽。佢學過騎馬射箭。佢提拔到喺地方做官，去鎮壓劫匪，經常唔礙於艱難危險。

慢慢佢得以升做并州刺史。佢帳下嘅手下有兩個人出名，即係呂布同張楊。喺小說《三國演義》，羅貫中寫成丁原認呂布做契仔。

喺洛陽

189年，漢靈帝死，太子劉辯登基，即係漢少帝。外戚大將軍何進攬權輔政，同啲宦官有矛盾。由於說服唔到佢嘅妹何太后去剷除宦官，何進派人出去話畀丁原同喺河東駐軍嘅將領董卓聽，要佢哋帶軍入洛陽，假扮成反對宦官嘅樣，目的係逼太后同意罷職啲宦官。

丁原受令，帶軍到洛陽面前，帶埋呂布同張楊。何進調動張楊去上黨（而家中國山西東南）討伐嗰度嘅山賊。

189年農曆八月，何進聽咗手下袁紹嘅意見，入長樂宮去見何太后，提議殺曬啲宦官。消息走漏咗，宦官張讓共段珪嗱嗱淋指揮數十軍兵揸兵器埋伏，等何進出宮門時就出來生擒佢，然後殺死佢。

袁紹帶軍攻入宮中，殺滅啲宦官。無幾耐後董卓帶軍入洛陽，用武力操縱朝廷。最後袁紹走佬到渤海。

董卓收曬何進嘅軍隊。由於最初董卓嘅軍隊只有三千人，於是佢想兼併啲軍閥來壯大自身，丁原就係其中佢睇上嘅一個。董卓見呂布咁得丁原信任，於是用金銀收買呂布，教唆呂布反佢上頭。呂布聽咗董卓，然後因爲丁原嗰陣無防備，呂布突然殺害咗佢，然後帶軍降董卓。

之後丁原部將張楊做河內郡太守，而呂布聽咗王允話，反面殺董卓。

喺三國演義

喺羅貫中嘅小說《三國演義》，丁原出現喺第三回，同董卓敵對。佢畀呂布殺害時喺夜晚睇緊書。

睇埋

• 何進
• 呂布
• 張楊
• 董卓

參攷資料

• 陳壽（著）；裴松之（注）. "魏書：呂布臧洪傳 — 呂布傳". 《三國志》. 刺史丁原為騎都尉，屯河內，以布為主簿，大見親待。靈帝崩，原將兵詣洛陽。〈英雄記曰：原字建陽。本出自寒家，為人粗略，有武勇，善騎射。為南縣吏，受使不辭難，有警急，追寇虜，輒在其前。裁知書，少有吏用。〉與何進謀誅諸黃門，拜執金吾。進敗，董卓入京都，將為亂，欲殺原，併其兵眾。卓以布見信於原，誘布令殺原。布斬原首詣卓……
• 范曄. "孝靈帝紀". 《後漢書》. ……大赦天下，改光熹為昭寧。并州牧董卓殺執金吾丁原。
• 范曄. "董卓列傳". 《後漢書》. ……卓又使呂布殺執金吾丁原而並其觿〈英雄記曰：「原字建陽。為人麤略有勇，善射，受使不辭，有警急，追寇虜輒在前。」〉
• 范曄. "劉虞公孫瓚陶謙列傳：公孫瓚傳". 《後漢書》. 紹不能舉直措枉，而專為邪媚，招來不軌，疑誤社稷，至令丁原焚燒孟津<續漢書曰：「何進欲誅中常侍趙忠等，進乃詐令武猛都尉丁原放兵數千人，為賊於河內，稱『黑山伯』，上事以誅忠等為辭，燒平陰、河津莫府人舍，以怖動太后。」>，董卓造為亂始。紹罪一也。
• 陳壽（著）；裴松之（注）. "魏書：二公孫陶四張傳 — 公孫瓚傳". 《三國志》. 紹專為邪媚，不能舉直，至令丁原焚燒孟津，招來董卓，造為亂根，紹罪一也。
• 黎東方 (2003年). 《細說三國》. 上海人民出版社.
• 黎東方、王子今 (2002年). 《細說秦漢》. 上海人民出版社.
• Vương Xuân Du（字未定，僅參攷：王春瑜） (1996年). Truyện các hoạn quan Trung Quốc（漢喃：傳各宦官中國；中譯：中國宦官傳） (越南文). 文化資訊出版社（Nhà xuất bản Văn hóa thông tin；家出版文化通信）.
• Trịnh Phúc Điền, Khả Vĩnh Quyết, Dương Hiệu Xuân（字未定，僅參攷：鄭福田、可永決、楊號春） (2006年). "集一". Tướng soái cổ đại Trung Hoa（漢喃：將帥古代中華；中譯：中華古代將帥） (越南文). 青年出版社（Nhà xuất bản Thanh niên；家出版青年）. CS1 maint: multiple names: 作者名單 (link)