張楊 (東漢)
張楊（？—198年），字稚叔，并州雲中人[1]，東漢末年嘅軍閥豪強。佢幫助過逃出長安嘅獻帝，被獻帝拜為大司馬。張楊所控制嘅河內郡兵精糧足，袁紹同埋曹操都好想要攞到手。後尾佢因為諗住幫呂布對抗曹操而出兵東市，但被部下楊醜殺咗。
| 張楊 | |
|---|---|
| 東漢 大司馬 | |
| 生 | ？年 |
| 死 | 198年 |
| 活躍時期 | ？～198年 |
| 遞啲名 | |
| 字 | 稚叔 |
生平
編輯早年
編輯張楊早年因為武勇而喺并州做武猛從事[2]。漢靈帝諗住組建西園軍[3]，并州刺史丁原派張楊加入西園軍上軍校尉蹇碩嘅軍隊，蹇碩封咗張楊做假司馬[4]。蹇碩被殺之後，張楊投靠權臣何進。何進派張楊留喺上黨討伐山賊[5]。
董卓討伐戰
編輯董卓入京之後，張楊喺壼關嗰度攻打上黨太守，但喺無功而返，張楊喺上黨一帶劫掠，並且招咗幾千個士兵[6]。董卓討伐戰嗰陣時，張楊諗住依附袁紹，於是佢哋喺河內郡會合[7]。匈奴單于於夫羅諗住反叛東漢朝廷，袁紹同張楊唔肯跟佢，於夫羅於是脅持咗張楊。於夫羅一開始畀袁紹嘅部將麴義做低，但佢之後又做低咗度遼將軍耿祉，並且將張楊放咗[8]。
控制河內
編輯於夫羅放走張楊之後，張楊畀董卓封為建義將軍、河內太守。興平二年（195年），董承同漢獻帝為咗逃避李傕嘅追擊而走去大陽，張楊向獻帝進貢糧食，被封為安國將軍、晉陽侯，假節開府[9]。張楊希望帶漢獻帝返洛陽，但畀其他人拒絕咗，張楊只好返去野王[10]。建安元年（196年），張楊同董承提出帶漢獻帝返洛陽，但喺畀楊奉同李樂拒絕咗[11]。董承之後投奔張楊[12]，張楊命令董承重建洛陽宮[13]。楊奉等人後尾帶漢獻帝返洛陽，佢哋喺秋天返到洛陽，張楊攞出糧食嚟迎接佢哋。張楊認為自己重建宮室有功，於是將南宮殿改名做楊安殿。後尾張楊冇留喺洛陽嗰度爭取權力，而喺返咗野王。冇耐就被拜為大司馬[14]。
義助呂布
編輯初平四年（193年），呂布離開袁紹投靠張楊[15]。後尾李傕收買咗張楊嘅手下，呂布叫張楊用自己嚟換取封賞。張楊表面上應承李傕，但佢並冇做任何實際行動，李傕只好封呂布做潁川太守[16]。之後呂布離開張楊去投奔陳留太守張邈。建安三年（198年），曹操攻打呂布嗰時，張楊出兵東市，諗住幫呂布牽引曹操，但被佢部下楊醜殺咗[17]。
參考
編輯引用
編輯- ↑ 《三國志·魏書八·二公孫陶四張傳》:張楊字稚叔，雲中人也。
- ↑ 《三國志·魏書八·二公孫陶四張傳》：以武勇給并州，為武猛從事。
- ↑ 《三國志·魏書八·二公孫陶四張傳》：帝以所寵小黃門蹇碩為西園上軍校尉，軍京都，欲以御四方，徵天下豪傑以為偏裨。
- ↑ 《三國志·魏書八·二公孫陶四張傳》：并州刺史丁原遣楊將兵詣碩，為假司馬。
- ↑ 《三國志·魏書八·二公孫陶四張傳》：碩為何進所殺。楊復為進所遣，歸本州募兵，得千餘人，因留上黨，擊山賊。
- ↑ 《三國志·魏書八·二公孫陶四張傳》：進敗，董卓作亂。楊遂以所將攻上黨太守於壺關，不下，略諸縣，眾至數千人。
- ↑ 《三國志·魏書八·二公孫陶四張傳》：山東兵起，欲誅卓。袁紹至河內，楊與紹合
- ↑ 《三國志·魏書八·二公孫陶四張傳》：。單于欲叛，紹、楊不從。單于執楊與俱去，紹使將麴義追擊於鄴南，破之。單于執楊至黎陽，攻破度遼將軍耿祉軍，眾復振。
- ↑ 《三國志·魏書八·二公孫陶四張傳》：天子之在河東，楊將兵至安邑，拜安國將軍，封晉陽侯。
- ↑ 《三國志·魏書八·二公孫陶四張傳》：楊欲迎天子還洛，諸將不聽；楊還野王。
- ↑ 《資治通鑑.卷六十二.漢紀五十四》：董承、張楊欲以天子還雒陽，楊奉、李樂不欲，由是諸將更相疑貳。
- ↑ 《資治通鑑.卷六十二.漢紀五十四》：二月，韓暹攻董承，承奔野王。
- ↑ 《資治通鑑.卷六十二.漢紀五十四》：張楊使董承先繕修雒陽宮。
- ↑ 《三國志·魏書八·二公孫陶四張傳》：建安元年，楊奉、董承、韓暹挾天子還舊京，糧乏。楊以糧迎道路，遂至洛陽。謂諸將曰：「天子當與天下共之，幸有公卿大臣，楊當捍外難，何事京都？」遂還野王。即拜為大司馬。
- ↑ 《三國志·魏書七·呂布臧洪傳》：與張楊合。紹令眾追之，皆畏布，莫敢逼近者。
- ↑ 《英雄記》：楊及部曲諸將，皆受傕、汜購募，共圖布。布聞之，謂楊曰：「布，卿州里也。卿殺布，於卿弱。不如賣布，可極得汜、傕爵寵。」楊於是外許汜、傕，內實保護布。汜、傕患之，更下大封詔書，以布為潁川太守。
- ↑ 《三國志·魏書八·二公孫陶四張傳》：太祖之圍布，楊欲救之，不能。乃出兵東市，遙為之勢。其將楊醜，殺楊以應太祖。