七一四沙田區大遊行，係2019年7月14號由香港沙田區地區人士交託社區組織「沙田一隅」發起嘅一次反對逃犯條例修訂草案公眾遊行，亦係頭一次响新界搞嘅反修例遊行，由大圍翠田街足球場行去沙田站公共運輸交匯處。呢次遊行係重申要求政府落實「五大訴求」。主辦單位宣稱有11.5萬人參加，警方就話高峰期有2.8萬人。
