七公主 (電視劇)
(由七公主 (無綫電視劇)跳轉過嚟)
《七公主》（英文：Battle Of The Seven Sisters）係香港無綫電視製作嘅時裝電視劇，喺2021年8月播出，由黃翠如、林夏薇、高海寧同江嘉敏領銜主演，並由陳瀅、鄺潔楹、劉佩玥、陳曉華、陸永、鄭子誠、徐榮、丁子朗、林韋辰同馬海倫聯合演出，監製陳維冠。故仔主要圍繞七個同父異母嘅姊妹，接受死鬼阿爸留低嘅任務，先攞到佢留低嘅千萬遺產。
電視台本嚟排咗先播另一套劇《我家無難事》之後至播呢套劇，但因為香港劍擊運動員張家朗喺2020年東京奧運攞金牌，而呢套劇有些少劍擊元素，所以安排食住個勢調前播。
演員表
編輯顧家
編輯| 演員 | 角色 | 暱稱／關係 |
| 劉 丹 | 顧百方 | 隱形富豪，生性風流 龔儷嘅前夫，已經喺十幾年前離婚 顧靈珊、顧青桐、顧語嫣、顧雙兒、趙君月嘅爸爸 有肺癌，委託司徒北處理身後事同分配遺產 喺第1集病死 |
| 馬海倫 | 龔 儷 | 退休大律師 顧百方嘅元配，已經喺十幾年前離婚 顧靈珊、顧青桐、顧雙兒嘅媽媽 有腦退化，而家住喺療養院 喺第2集出場 |
| 黃翠如 | 顧靈珊 | Alison 大律師 事業有成，但係家庭同感情生活一塌糊塗 顧百方、龔儷嘅大女 顧青桐、顧雙兒嘅大家姐，同顧青桐不和 顧語嫣、趙君月同父異母嘅大家姐，同顧語嫣不和 角色名源自岳靈珊（笑傲江湖） |
| 高海寧 | 顧青桐 | Ching、阿青 Uber司機／業餘驚慄小說作家 顧百方、龔儷嘅二女，同爸爸關係好好，寫作靈感都係源自佢 顧靈珊嘅二妹，同佢不和 顧雙兒嘅二家姐 顧語嫣、趙君月同父異母嘅二家姐 同馬崎駿有感情線 角色名源自霍青桐（書劍恩仇錄） |
| 林夏薇 | 顧語嫣 | Grace 共享工作間分店經理 顧百方嘅三女 顧靈珊、顧青桐同父異母嘅妹妹，同顧靈珊不和 顧雙兒、顧君月同父異母嘅三家姐 老公因爲交通意外死咗，一直都放唔低佢 沈昭然嘅下屬、好朋友兼暗戀對象 同王男有感情線 角色名源自王語嫣（天龍八部） |
| 江嘉敏 | 顧雙兒 | Hailey、阿兒 鋼琴老師／老千 顧百方、龔儷嘅細女 顧靈珊、顧青桐嘅細妹 顧語嫣同父異母嘅細妹 顧君月同父異母嘅四家姐 表面上係乖乖女，實際上有雙面性格 彈琴好好，用假學歷幫富家仔女上堂 成日呃宋允基，之後同佢成為好朋友 喺第4集出場 角色名源自雙兒（鹿鼎記） |
其他角色
編輯| 演員 | 角色 | 暱稱／關係 |
| 陳 瀅 | 趙君月 | Moon 便利店職員 顧百方嘅五女，流落在外 顧靈珊、顧語嫣、顧青桐、顧雙兒同父異母嘅細妹，因為媽媽嘅不幸遭遇而向顧家報復 卓美雅同父異母嘅五家姐 方楚瑜嘅好朋友 喺第10集出場 |
| 鄺潔楹 | 方楚瑜 | Jasmine 實習事務律師 司徒北嘅徒弟 顧君月嘅好朋友 鍾意劍擊 |
| 劉佩玥 | 卓美雅 | Maya 韓國華僑／韓國當紅模特兒 宋允基嘅青梅竹馬 喺第21集出場 |
| 陳曉華 | 胡映雪 | Charlie 貿易公司高級秘書 （第8-10集） |
| 陸 永 | 馬崎駿 | Hanson 漫畫家 同顧青桐有感情線 喺第8集出場 角色名係漫畫家馬榮成同宮崎駿嘅合體 |
| 鄭子誠 | 沈昭然 | Philip 共享空間香港副總裁／劍擊高手 顧語嫣嘅上司同好朋友，一直暗戀佢 |
| 徐 榮 | 王 男 | Gordon 街頭藝術家 同顧語嫣死咗嘅老公好似樣 同顧語嫣有感情線 喺第6集出場 |
| 丁子朗 | 宋允基 | 共享空間手機應用程式開發員／韓國華僑 卓美雅嘅青梅竹馬 喺第18集出場 角色名影射宋仲基 |
| 林韋辰 | 司徒北 | Matthew 事務律師 方楚瑜嘅師父 幫顧百方處理身後事同分配遺產 |
出面網頁
編輯- 七公主 - tvb.com
- 《七公主》喺豆瓣嘅資料（大陸簡體）