七株榕

七株榕係中國廣東省廣州市嘅其中一個好優雅嘅地名。呢個地方就喺越秀區嘅詩書路到海珠中路之間嘅位，維也納酒店惠福分店南邊附近嘅其中一條巷仔。呢條街嘅長有154米，闊5.6米。呢條巷喺清朝嗰陣，因為種咗7樖榕樹先至改咗噉嘅名。不過依家重凈返喺七株榕小學入面同埋越秀區中醫院南院嘅南門隔離就有樖樹，其他嗰啲樹，其中有4樖係喺2005年嗰陣轉咗去第度種，重有一樖喺2011年6月17號冧咗。而學宮街入面嘅「番禺學宮」就係舊陣時嘅「官學」，喺嗰陣時搞出嚟嘅「省試」就響七株榕呢尐辦喇，而街入面啲樓都好有南方嘅典型建築風格。

七株榕

俗语

廣州入面成日有條數字地名順口簧，其中就包括咗呢度（加粗咗嘅字）：

1德路、2沙頭、3元里、4牌樓、5仙觀、6榕路、7株榕、8旗二馬路、9曲巷，10甫路。