詩書路

  提示：呢篇文講嘅唔係詩書路段。

詩書路（粵拼：si1 syu1 lou6）係中國廣東省廣州市入面嘅其中一條一般嘅馬路，呢條馬路喺越秀區入面，鄰近地鐵西門口站，成條馬路係南北走向。南邊從大德路同埋天成路嘅交界開始，一直向北去到惠福西路同埋紙行路嘅交界嗰頭。喺條路嘅北邊，重有條廣州街坊講嘅數字地名順口簧入面嘅其中一度——七株榕。

诗书路 SHISHU ROAD

性質： 一般馬路 全長： 0.489公里 行車線： 雙向2車道 南向北嘅單行綫 地區： 廣州市越秀區 起點： 大德路同埋天成路嘅交界 終點： 惠福西路同埋紙行路嘅交界 主要建築： 越秀區地方稅務局第一辦稅服務大廳 廣州日報客戶服務中心 金陵臺

概要

全長489米，闊8米，雙向2車道。成條路係單行綫，凈係可以從南邊向北邊行。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 大德路、天成路
• 觀綠路
• 惠福西路、紙行路

史

其實呢條馬路以前係嗌「詩書街」呢個名嘅係嗰陣時，詩書街嗰度係一笪有好多私家學校嘅地方。不過到咗1932年，廣州市政府就整闊咗條詩書街起咗條詩書路。喺文化大革命嗰陣，紙行路同埋詩書路呢兩條路係嗌咗「紅書中路」呢個名，到咗1985年，呢條路就重新改返原嚟之前嘅名，啫係依家叫「詩書路」。

金陵臺事件

睇埋：金陵臺

喺2013年6月10號晚黑11點，麗豐控股屬下嘅其中一間公司——廣州翠樺地產置業有限公司，就整咗兩台挖泥機挭鞕將觀綠路同埋詩書路交界嘅金陵台同埋妙高臺拆咗。而呢兩棟嘢就響1946年起嘅。其實廣州市嘅文化部當局喺2012年5月組織過專家去考察咗一下，而啲專家建議咁話：「由於妙高臺1號同埋3號、金陵台2號同埋4號、詩書路69號之一都係歷史建築嚟嘅，所以必須要留返響度！」，結果拆樓工程就停咗落嚟。廣州市規劃局之前已經話咗開發商咪拆住呢兩棟樓嘅，要同開發商傾下究竟係收返笪地，定係優化下個建設方案嚟保留歷史建築。但係開發商睬都唔睬，當規劃局講啲嘢係無哩頭同埋發嗑瘋嘅，結果最後將間屋拆咗。而呢笪地喺2008年嗰陣係攞咗「建設用地規劃許可證」呢筍嘢嘅。

馬路嘅古代建築

喺詩書街入面有好多歷史入面嘅文化古跡：喺宋朝嗰陣時，呢度重係停鬼佬嘅船嘅港口——「西澳」，重有「果橋」同埋「共樂樓」呢棟古代建築。喺明朝嗰陣有方獻夫呢位大學士起嘅「賜書樓」，係收藏咗《明倫大典》呢本書嘅。到咗清朝嗰陣，乾隆皇帝就攞咗木雕鎏金嘅觀音菩薩佛像畀咗廣東嘅滿洲八旗嘅官兵，重有嗰陣時嘅官兵同埋供佛像都係喺呢度附近嘅，所以就搞咗「觀音樓」同埋「萬善禪院」呢兩個名嘅大樓（依家係妙吉祥室，廣州市嘅滿族佬成日去學嘢嗰埞）。到咗1924年3月8號，國民黨中央婦女部長何香凝就喺詩書路附近嘅西瓜園（依家係廣州日報社）就搞咗同埋中國第一次紀念三八國際婦女節嘅活動。到咗1927年12月嘅廣州起義嗰陣，又喺西瓜園入面開咗單大會，重成立咗蘇維埃政府嘅廣州公社。