三角游水褲

三角游水褲（粵拼：saam1 gok3 jau4 seoi2 fu3）係條凈扱住肚腩下面同大肶之間嘅位嘅褲。喺男女嘅生理之間，呢種褲係有唔同嘅設計。佢好似條三角形嘅底褲噉，而腰邊嘅長就分開咗1.5英寸同3英寸嘅版本。呢種褲喺游水嗰陣比較貼身同舒適，重會突出着泳褲嘅人嘅體型出嚟。

SPEEDO牌嘅低腰三角游水褲

飄牌嘅低腰三角游水褲

發展史

呢種泳褲喺1978年出現。嗰時蘇格蘭泳手——大衛威奇（英文：David Wilkie (swimmer)）為咗展示佢個身從第個人睇，冇乜胸毛噉，加上喺1976年奧運攞咗男子200m蝶泳冠軍嘅葳蕤成就，喺1978年嗌咗設計師設計出種同嗰時四角游水褲相比，更加少布料嘅游水褲出嚟^[1]。後嚟呢種游水褲喺1980年奧運開幕之後先至得到推廣。隨後好多屆游水大賽同跳水比賽都用到呢種裝備。

後嚟呢種游水褲發展到有低腰三角品種。

使用同普及

喺邊種水上活動入面，成日都着到三角泳褲嘅，例如游水、衝浪、跳水等。呢種游水褲喺成個地球都幾流行下。喺歐美地區入面，成日都見到有游水泳客着住條三角泳褲入去水上樂園嗰度。呢種泳褲係啱水上活動同日光浴，而且乾得好快，重可以着喺條長褲或短褲入面。

三角游水褲嘅品種

由於生產廠商出咗好多隻唔同嘅顏色同圖案、材質同用途嘅三角游水褲，所以出咗用嚟游水同埋玩水之外，以下呢啲就係喺運動競賽入面，成日出現嘅三角游水褲：

着三角游水褲嘅游水運動員

着三角游水褲嘅水球運動員

競賽型

而家成日見到嘅競賽型三角游水褲都係腰邊有1.5英寸——3英寸長嘅版本。佢嘅主要功能係降低運動員喺水入面嘅阻力嚟提高自己嘅游水速度。而呢種游水褲係黐埋個身，盡量降低磨擦同降低凈低嘅水份。以前啲游水褲係用尼龍嚟整嘅，雖然話尼龍係有好少阻力響度，但如估長時間放喺氯氣入面就好快爛。所以好多游水褲都係揀咗氨綸嚟整嘅。而用咗里卡同複合高科技嘅游水衫材料嚟整嘅三角泳褲都係好多人成日揀佢嘅。