跳水
跳水喺廣義上，指某人由上而下跳落水道；通常要啲水有咁上下深，全身浸澌落去先至算。
以前興用嘅同義詞「插水」，家陣通常用於比喻，實際所指往往同水冇關。插水炮專解數種鬥快游水比賽開始時，選手由跳台飛躍入水嘅動作。亦有人會花式跳水，喺起跳至入水期間，做出各種困難又優雅嘅動作——見於娛樂表演及體育競技；下節所述者，屬於此類。
狹義改
香港維多利亞公園游泳池裏面有跳水嘅彈板同埋高台
跳水（英文：diving）係一種體育活動，職業比賽設有男、女跳板同跳台，雙人同步跳水，混合雙人同步跳水，隊際跳水。跳板跳水分別喺1米或3米跳板上進行。喺奧運、世界錦標賽、世界盃比賽，分別喺3米跳板同10米跳台進行。喺跳水比賽，女子要做出5個動作、男子要做出6個動作。
評判改
評判有5人或7人制，雙人同步跳水就有9人或11人。奧運、世界錦標賽同世界盃賽個人項目必須有7位評判評分，而雙人同步跳水就有11位評判評分。每一個動作嘅滿分為10分，評分準則係以每半分為單位遞增。
評分改
評判會根據運動員嘅助跑、行板、跑台、起跳、空中、入水動作嚟評定分數。
喺個人項目，如果係用7位評判，評分係將最高兩個同最低兩個分刪除，攞個所餘者嘅平均值，再乘難度分；如果係用5位評判，評分係將最高一個同最低一個分刪除，攞個所餘者嘅平均值，再乘難度分，總分最高嘅就贏。
| 極好 | 10分 |
|---|---|
| 好好 | 8.5-9.5分 |
| 比較好 | 7-8分 |
| 普通 | 5-6.5分 |
| 唔好 | 2.5-4.5分 |
| 唔合格 | 0.5-2分 |
| 失敗 | 0分 |
泳裝改
動作組別改
根據運動員起跳嘅企位同起跳後身體方向，分為六組：
- 面向池，向前跳
- 面向板／台，向後跳
- 面向池，反身跳
- 面向板／台，向內跳
- 轉體
- 臂立（只喺跳台用）
動作姿勢改
- 直體（用「A」表示）
- 屈體（用「B」表示）
- 抱膝（用「C」表示）
- 翻騰兼轉體嘅任意姿勢（用「D」表示）
動作冧巴改
所有動作都用3或4個數字加1個英文字母表示。喺向前、向後、反身同向內組動作，第二個動作冧巴係代表飛身動作，當冇飛身動作嗰陣第二個動作冧巴就係 0。
第三個動作冧巴代表翻騰周數（以半周計算），例如: 1 = 半周、3 = 一周半。
喺臂立動作嘅第二個動作冧巴代表動作組別或方向: 1 = 向前；2 = 向後；3 反身。
例如：6124D即係臂立向前翻騰1周同轉體2周。