1980年夏季奧林匹克運動會

1980年夏季奧林匹克運動會，係第22屆夏季奧運會，響蘇聯莫斯科開幕，會期係1980年7月19號到8月3號。

呢屆奧運會，一共有80個國家同埋地區嘅代表團參加，當中安哥拉、波茨華拿、塞浦路斯、約旦、老撾、莫三鼻給、塞舌爾都係頭一次派代表團參加奧運會，而越南社會主義共和國亦係越戰結束後頭一次派代表團參加奧運會，取代咗由1952年到1972年期間代表越南參加奧運會嘅越南共和國。

焦點

• 1980年3月21號，時任美國總統占美·卡特因為抗議蘇聯入侵阿富汗，宣布美國杯葛呢屆奧運會。總共有66個國際奧委會成員國同埋地區缺席呢屆奧運會（包括阿爾巴尼亞、安提瓜巴布達、阿根廷、巴哈馬、巴林、孟加拉國、巴巴多斯、伯利茲、百慕達、玻利維亞、加拿大、開曼群島、中非共和國、乍得、智利、中華人民共和國、象牙海岸、埃及、薩爾瓦多、斐濟、加蓬、岡比亞、加納、海地、洪都拉斯、英屬香港、印尼、伊朗、以色列、日本、肯尼亞、南韓、利比利亞、列支敦士登、馬拉維、馬來西亞、毛里塔尼亞、毛里求斯、摩納哥、摩洛哥、荷屬安的列斯、尼日爾、挪威、巴基斯坦、巴拿馬、巴布亞新畿內亞、巴拉圭、菲律賓、卡塔爾、沙地阿拉伯、星加坡、索馬里、蘇丹共和國、蘇里南、斯威士蘭、中華台北、泰國、多哥、突尼西亞、土耳其、阿聯酋、美國、烏拉圭、美屬處女羣島、聯邦德國、扎伊爾），當中大部分國家地區係響應聯合杯葛，重有部分係由於經濟原因未派隊參賽，而利比利亞代表團出席完開幕禮之後退出。
• 鑑於1972慕尼黑奧運會發生嘅恐襲慘案造成好嚴重嘅人員死傷，蘇聯國家安全委員會專登組建咗阿爾法特種部隊。