上升筆劃

上升筆劃（英文：ascender），喺英文書法同字型設計，係指細楷字母高過 X 長嘅部分，例如 b、f 或者 h 上面嘅突出部分。概念上，上升筆劃最高只可以升到一個叫 ｢上升筆劃綫｣（ascender line）嘅高度。X 長同上升筆劃綫之間嘅距離叫 ｢上升筆劃高度｣（ascender height）。

細楷嘅上升筆劃綫唔應該同大楷嘅大寫頂綫搞亂，兩條綫通常差唔多高，但係通常都唔同，而唔同嘅時候就通常係上升筆劃綫高過大寫頂綫。

書法視乎寫乜嘢字體，可以有多過一條上升筆劃綫，另外，X 長同最頂嗰條上升筆劃綫之間嘅位都有名，叫上升筆劃區域（ascender space）。

上升筆劃

同上升筆劃相對嘅係下降筆劃。

現代嘅英文字母好少同時有上升筆劃同下降筆劃，例外有意大利體同潦草嘅細楷 f、某啲寫法嘅潦草 p 等等，以前仲有細楷 þ（對應而今gaa1嘅 th），爾個字母冰島文仲有用。