下降筆劃

下降筆劃（英文：descender），喺英文書法同字型設計，係指字母低過基綫嘅部分，例如細楷 g、j 或者 y 下面嘅突出部分，又或者某啲寫法嘅大楷 J 下面嘅突出部分。概念上，下降筆劃最低只可以降到一條叫 ｢下降筆劃綫｣（descender line）嘅高度。書法視乎寫乜嘢字體，可能有多過一條下降筆劃綫。

基綫同最底嗰條下降筆劃綫之間嘅空間，排版叫字頷ham5（beard），書法叫下降筆劃區域（descender space）。呢個空間嘅高度喺排版叫 ｢下降筆劃深度｣（descender depth）。

下降筆劃

同下降筆劃相對嘅係上升筆劃。

現代嘅英文字母好少同時有上升筆劃同下降筆劃，例外有意大利體嘅細楷 f、某啲寫法嘅潦草 p 等等，以前仲有大楷同細楷 þ（對應而今gaa1嘅 th），呢個字母冰島文仲有用，但係冰島文嘅 þ 淨係細楷先有下降筆劃。