不可譯
(由不可翻譯跳轉過嚟)
不可譯（粵拼：bat1 ho2 jik6）係做翻譯嗰陣會撞到嘅一種問題。一般係指目標語言入面冇字詞可以對應來源語言嗰隻字詞，傳媒都中意講依種字，但係喺翻譯嘅角度，其實更大嘅問題係例如一段嘢同時有兩個意思（所以冇可能完全譯到，要夾硬揀或者強調其中一個意思），又或者句嘢係成語（對應成語講嘅嘢完全唔同，但係喺語境下有需要講一樣嘅嘢），又或者原文係詩體（包括歌詞）等等一般人唔會恁到嘅問題。
概論
編輯睇埋：翻譯
- Kummerspeck（德文讀音： [ˈku mɜrˌʃpɛk]），名詞，意思係指一個人因為有排情緒低落喺度勁食嘢而增加咗嘅體重[2]。
- 用法：「我早排考試衰咗就勁喺度食雪糕，而家啲 Kummerspeck 減唔返。點算好？」
呢隻噉嘅字喺同期嘅粵語或者英文入面並冇對應，一個廿一世紀初嘅粵人或者英系白人可以理解到個概念，但佢哋語言搵唔到隻字去對應 Kummerspeck，所以如果（例如）有人想將一本用德文寫嘅長篇小說翻譯做粵文或者英文，撞到 Kummerspeck 呢隻字嗰陣就好可能會覺得「唔知點譯好」[3]。
註：不過其實粵語同德文名詞嘅構詞方法非常似，翻譯如果想作個粵字，其實唔難（例如，粵語可以直譯 ｢憂傷肥油｣，個字喺部小說出現多幾次，讀者就完全覺得爾個係個正常嘅粵字，當中 Kummer 係憂傷， Speck 係肥油，逐字翻譯，執都唔使執），反而英文同德文雖然同源，但係已經變到相差太遠，所以英文要作個對應嘅字，反而會有難度。
睇埋
編輯引咗
編輯- ↑ Levine, Suzanne; Lateef-Jan, Katie (2018). Untranslatability Goes Global. New York: Taylor & Francis. p. 22.
- ↑ Kummerspeck. Dictionary.com.
- ↑ These eight Cantonese concepts are virtually impossible to translate into English. Honeycombers，呢篇文提到 8 隻難以譯做英文嘅廣東話字詞－唔該 vs 多謝、肉緊、膠、收兵、捩咁棄... 呀噉。