中共香港工作委員會
中共香港工作委員會，簡稱「香港工委」，係中國共產黨一個半公開嘅中央直屬機構，前身係「中共港澳工委」。香港工委係中共中央喺香港嘅派出機構，喺國務院（中央人民政府）掛嘅牌子係駐香港特別行政區聯絡辦公室（中聯辦）[1]。
1947年，中共中央書記處書記周恩來決定設立香港工作委員會，由喬冠華出任書記，兼任新華通訊社香港分社社長，由協助成立香港工會聯合會。1949年至1952年間香港工委曾經撤銷，由中共中央華南分局領導香港工作，到1952年設立中共港澳工作委員會。1991年，中共港澳工委分拆成「香港工委」同「澳門工委」。2012年中共十八大召開，香港工委首次成為獨立選舉單位，選咗16個喺香港嘅中共代表[2]。2015年，中共中央政法委員會網站公布工作會議詳情，「香港工委和澳門工委」首次喺官方報道中被提及[3]。
攷
編輯- ↑ 〈觀察：中央政法會議最該關注的三個"2"〉。大公報。2015年1月21日。原著喺2015年7月6日歸檔。喺2016年7月22日搵到。
- ↑ 〈十八大選舉 港黨員身份成謎〉。蘋果日報 (香港)。2012年11月7日。原著喺2016年8月17日歸檔。喺2016年7月22日搵到。
- ↑ 〈「地下黨」香港工委負責人現身中央政法會議〉。明報。2015年1月22日。