中大學生報
《中大學生報》係香港中文大學嘅學生擔任編採作嘅刊物，由中大學生會屬下嘅中大學生報出版委員會（簡稱「報社」）出版。出版委員會受學生會代表會監察。報社現址係香港新界沙田香港中文大學范克廉樓307室。
《中大學生報》係一份期刊，而家通常每月出版，每次印八千份：「校園版」報導校園新聞同輯錄相關評論，主要版面包括社會、專題、生活、性別、情色、專欄同投稿。除咗喺中文大學派發之外，亦會送到其他大專院校同社區組織，畀人免費攞。報社或按情況需要，不時出版特刊、號外，或者發公開信。
《學生報》舊時唔釘裝，印刷成報紙一樣嘅大開型報章（broadsheet），當時報頭所示嘅著作名係「中大學生」。而家每月定期出版嘅《學生報》都釘裝成書，封面標明「中大學生報」，號外或特刊嘅報頭亦已統一為「中大學生報」。
報社架構
編輯中大學生報出版委員會，有時或簡稱「報社」，係經過全體中文大學本科生投票而成立嘅學生組織，同學生會幹事會同中大校園電台擁有同等地位。根據中大學生會會章規定，中大學生報出版委員會分別由民選委員同委任委員組成。
因應參與報社嘅人數多寡，民選委員有8到12人。參選報社嘅內閣，成員必須包括嚟自各成員書院學生會嘅基本會員。報社以內閣形式，由全體會員經投票選出，負責組織出版委員會。
報社民選委員共有：
- 總編輯1人，為出版委員會最高負責人，係出版委員會主席，對外代表出版委員會；
- 副總編輯2人，負責協助總編輯處理一切事宜；
- 執行編輯2人，負責處理一切出版事宜；
- 秘書1人，負責處理一切秘書事宜；
- 財政1人，負責處理一切財政事宜；
- 資料主任1到5人，負責主持中大學生會資料中心同處理出版委員會一切資料事宜。
委任委員乃由民選委員推薦，須經代表會同意同委任。
報社任期為每年一任，由每年3月1號到翌年2月底止。
歷史
編輯特色同爭議
編輯中大學生報嘅言論同風格同香港主流傳媒大相逕庭，近年，佢哋掀起唔少軒然大波。
粗口字事件
編輯《中大學生報》喺2004年9月號中刊登咗一篇題為《講普選？你講咩撚嘢呀──論普選理據，兼論代議政制》嘅文章，因為標題有粗口字眼，經幾份報章報導後，引起中大校園內外一連串反響。對此，學生報喺2004年11月發表咗《道德高地嘅虛妄》[1]作出回應。
情色版事件
編輯由2006年12月開始，《中大學生報》加插「情色版」，內容包括性信箱、性幻想、故事，介紹性電影同性書本；亦刊發問卷調查調查大學生嘅性態度。問卷十四條問題中，包括問讀者有冇試過幻想同父母或兄弟姊妹做愛（亂倫），同最想同乜嘢動物做愛（人獸交），引起部分人士不滿，同作出投訴。時任總編輯曾昭偉話，製作「情色版」係希望引起讀者探討性觀念[2]，營造開闊討論性同慾望嘅空間[3]。
由5月初開始嘅個幾禮拜，呢件事喺香港社會所引起嘅風波甚為深廣，由最初涉及到談性問題嘅態度，延伸到大係包括出版自由、言論自由、傳媒嘅社會責任、學術自主、教育制度、政府機關嘅審裁尺度、以到社會內各勢力嘅矛盾同宗教、政治角力；亦從校內異議，發展到涉及司法；從圈子糾紛，發展到公開論證，呢件事引發咗香港社會各界人士認真同嚴肅噉深思同討論有關嘅課題。
參考
編輯- ↑ 〈道德高地嘅虛妄 --答一眾對學生報粗口標題嘅詰難〉。原著喺2007年10月16號歸檔。喺2013年12月29號搵到。
- ↑ 〈《中大學生報》炮製「情色版」〉。星島號報。2007-05-09。原先內容歸檔喺2007-05-08。喺2013-12-29搵到。
- ↑ 〈「情色」學生報老總或負刑責〉。新浪網。2007-05-09。
{{cite web}}: CS1 maint: url-status (link)