中天新聞台
中天新聞台係旺旺中時媒體集團中天電視旗下嘅新聞頻道。1994年9月1號開播（傳訊時期）。2020年11月18號冇得到續牌，2020年12月11號牌照到期。
結束
編輯中天新聞台係中天電視旗下嘅電視頻道。中天電視前身係傳訊電視，創立人係于品海（後來《香港01》嘅老闆）。中天電視因為嚴重虧損，多次轉讓，最後落喺旺中集團手中。旺中集團大股東係蔡衍明。
中天一向被睇成係親中。
2019年，韓國瑜競選高雄市長。期間，中天新聞台極高密度播放韓國瑜嘅新聞，唔係關於韓國瑜嘅新聞都加插韓國瑜，惹台灣公眾反感。期間，中天新聞台嘅新聞內容亦惹反感，例如話韓國瑜持咪高峰時尾指翹起，代表識得慳力，留力幫高雄打拼。[1]中天新聞亦都畀人話蔡衍明嚴重介入新聞製作。中天本嚟已經成日被投訴，由嗰時開始投訴量更增加2.7倍。
2019年6月，台灣時代力量立委黃國昌發函去台灣國家通訊傳播委員會（NCC），要求廢止中天執照。同月24號，黃國昌同網絡名人館長陳之漢喺凱達格蘭大道共同舉辦「拒絕紅色媒體、守護臺灣民主」遊行。
台灣國家通訊傳播委員會（NCC）試過勸阻中天，但失敗。
不獲續牌
編輯内文：中天新聞台不獲續牌事件
2020年11月18號，NCC以7:0一致否決中天新聞台續牌申請。理由係，多次違規、內控機制失靈、冇落實新聞專業同唔自律，並指明係「大股東蔡衍明先生直接、間接介入新聞台」[2]。
濕碎嘢
編輯參考
編輯- ↑ 〈台灣中天新聞台不獲續牌下月停運 曾因狂播韓國瑜被罰款〉。原著喺2020-11-24歸檔。喺2020-11-19搵到。
- ↑ 〈屢罰不改 蔡衍明涉介入製播 中天新聞台不獲續牌〉。原著喺2020-11-27歸檔。喺2020-11-19搵到。
- ↑ 〈【台版亞視熄燈】中天不獲續牌 被批老闆介入新聞 稱上訴到底〉。喺2020-11-19搵到。
出面網頁
編輯- 中天電視 Wayback Machine嘅版面存檔備份（臺灣正體）
- 中天新聞52家族嘅facebook頁（臺灣正體）
YouTube上面嘅中天新聞CH52嘅頻道（臺灣正體）
