中文數字

中文數字，又叫唐數字，係中文用嘅數字，分做大寫數字同細寫數字（又叫小寫數字）兩種。

細寫數字係日常生活、非正式場合用；大寫數字筆劃繁複好多，但係重要嘅係唔可以用加筆劃嘅方法改成第個數字，寫合同、單據、支票嘅時候都會用到。

大寫中文數字	港	零	壹	貳	叄	肆	伍	陸	柒	捌	玖	拾	貳拾	佰	仟
	臺				參								念
	中				叁
小寫中文數字		零／〇	一	二	三	四	五	六	七	八	九	十	廿	百	千
阿剌伯數字		0	1	2	3	4	5	6	7	8	9	10	20	100	1000

大數

中文數字由十萬開始有唔同叫法（主要係下數、中數同上數三類，而中數又分萬進同萬萬進兩種，再加一種叫萬進嘅計法），冇共識好易會出問題。目前香港同臺灣用緊萬進中數，萬以上順序有億、兆、京、垓、秭、穰、溝、澗、正、載10級，有啲重包埋極；萬萬係億，萬億係兆，如此類推，計到極係10⁴⁸；例外係國際單位制用嘅詞頭以前香港用開下數，兆只係得百萬，去到極先得10¹⁵ 。

數值		10⁴	10⁵	10⁶	10⁷	10⁸	10⁹	10¹⁰	10¹¹	10¹²
日常生活	港臺	萬	十萬	百萬	千萬	億	十億	百億	千億	兆
	中									萬億
國際單位制詞頭		唔適用	唔適用	兆	唔適用	唔適用	秭	唔適用	唔適用	澗