中環梅窩渡輪

中環梅窩渡輪係香港一條港外渡輪線，來往中環六號碼頭同埋大嶼山梅窩碼頭，而家由新渡輪營運。

史

呢條航線喺1960年代開辦，當時係由中環到長洲（經坪洲同大嶼山梅窩）分拆出嚟，提供梅窩（經坪洲）嘅迴航提供服務，直到1974年先至全面分拆；後嚟喺1992年，梅窩同坪洲兩條航線再度分拆成獨立直航航線，過去係由油麻地小輪營辦，2000年初，油麻地小輪被政府收返專營權後，改由新渡輪接辦到而家。

喺青嶼幹線通車前，來往大嶼山同市區需依賴呢條航線服務，所以呢條航線嘅客量一直維持喺高水平（尤其係假日）；直到1997年青嶼幹線同1998年香港地鐵東涌綫通車後，客量就大幅下跌，但來往港島嘅市民因交通費較途經東涌轉車低，仍有一定嘅客量支持。