東涌綫粵拼dung1 cung1 sin3英文Tung Chung Line)係港鐵公司營運路線之一。連接大嶼山東涌青衣島下葵涌西九龍同埋中環,由東涌站至到香港站,係屬於通勤鐵路線。東涌綫於1998年6月22號全線通車,通車後再加咗兩個車站,南昌站欣澳站。佢哋分別喺2003年12月16號,同埋2005年6月1號啟用。

東涌綫
Tung Chung Line
東涌綫奧運站2號月台
東涌綫奧運站2號月台

東涌綫奧運站2號月台

8
簡稱 TCL
類別 重型鐵路系統/區域鐵路
長度 31.1公里
地區 中西區油尖旺深水埗葵青荃灣離島區
通車日期 1998年6月22號
電化模式 1500伏特直流電
軌距 混凝土道床段:1432毫米
開放式路段標準軌:1435毫米
雙線區間 全綫
九龍站青衣站,以及欣澳站一段,實際連同機場快綫兩個方向一共4線,外側係東涌綫用)
香港站到九龍站、青衣站到欣澳站,以及欣澳站到小濠灣車廠,就同機場快綫共用)
閉塞方式 自動列車保障裝置(ATP
營運最高速度 每小時135公里
用車 Adtranz-CAF電動列車(A-Stock)
Rotem電動列車(K-Stock)

概要

編輯
 
東涌站

呢條線由東涌站開始,經過汲水門大橋青馬大橋,再經西九龍填海區,西區海底隧道,駁到香港島香港站。1998年6月22號通車,係第一條經大嶼山嘅鐵路。總站設喺東涌新市鎮,故名「東涌綫」。

而家,東涌綫有8個車站,當中6個站係轉綫站,分別係香港站(可以行到去中環站轉搭荃灣綫港島綫)、九龍站南昌站(可轉搭屯馬綫)、荔景站(可轉搭荃灣綫)、青衣站欣澳站(可轉搭迪士尼綫),另外喺東涌站亦可以轉搭纜車昂坪360。除咗香港站、九龍站同東涌站喺地底外,所有車站都係起喺架空橋或者地面。東涌綫用橙色嚟表示。

東涌綫沿綫嘅車站大部分都係位於新發展區,住宅線物業相繼喺1999年後落成,所以東涌綫初時嘅客量偏低。隨住國際金融中心漾日居擎天半島奧海城青衣城東堤灣畔等等嘅沿綫物業入伙之後,客量大幅上升。之後車站沿綫地區亦都開始發展成熟,加上南昌站、香港迪士尼樂園同埋昂坪360嘅啟用,客量更加係劇增,所以地鐵200同南韓Rotem株式會社購入咗一批新嘅列車。而且由於經本線由荃灣、葵芳來往西九龍填海區、港島商業區比較快捷,所以亦有大量荃灣綫乘客轉車使用本線。預計迪士尼樂園擴建、加上南昌站上蓋物業落成、同埋西九龍文化區落成,東涌綫乘客量會不斷增加。因應大量乘客使用本線,東涌綫喺周一至周五,返工放工繁忙時間,同埋周六返工繁忙時間,加開短程班次,來往青衣站同香港站。

而家東涌綫約4-8分鐘1班車。


路線圖

編輯
 
港鐵機場快綫及東涌綫路線圖(按真實地形繪畫)

歷史

編輯
 
港鐵南昌站往東涌方向嘅月台幕門上月台方向嘅指示

早喺1989年10月,香港政府已經決定喺大嶼山北面嘅赤鱲角起新機場,取代飽和咗嘅啟德機場。當時政府邀請地下鐵路公司(家下港鐵公司),負責起大嶼山機場鐵路,駁新機場到市區。但係工程最終要等中華人民共和國同埋英國政府談判,最後喺1994年11月達成財務同土地安排協議。最終大嶼山機場鐵路成為兩條鐵路綫,分別係東涌綫機場快綫。1998年6月21號,由香港特別行政區第一任行政長官董建華,主持開幕儀式,第二日正式運作。

另一方面,2003年12月20號,九廣西鐵(家下港鐵屯馬綫一部分)通車,地鐵喺荔景站奧運站之間,起咗個新站南昌站,成為東涌綫同九廣西鐵嘅轉車站,係全港第一個地鐵同九鐵二合為一嘅車站。於2005年6月1號,地鐵喺青衣站同東涌站之間,啟用咗新車站欣澳站。個車站可以經新開嘅迪士尼綫香港迪士尼樂園

里程碑

編輯
  • 1998年6月22號,香港站到東涌站通車
  • 2003年,全線列車由7卡列車改為8卡,奧運站到荔景站4線軌道啟用,為南昌站做準備。
  • 2003年12月16號,為配合九廣西鐵試搭日同正式通車,南昌站啟用。
  • 2005年6月1號,為配合迪士尼綫通車,欣澳站啟用。

用車

編輯
東涌綫西班牙製列車
東涌綫西班牙製列車車廂
東涌綫南韓製列車

一架列車8卡(通車初期7卡,喺2003年起加到8卡)。全線用咗12架由西班牙CAF德國ADTRANZ(已經俾Bombardier收購咗)整嘅列車(A-Train)同4架南韓Rotem株式會社所整嘅列車(K-Stock)。地鐵東涌綫迪士尼綫所有列車嘅車頭冇設有任何目的地嘅顯示(其他市區線嘅列車就有)。

Rotem列車係地鐵喺2005年為東涌綫而訂,2006-2007年投入服務。第一架列車喺2006年2月抵港,第2架列車喺2006年5月抵港,第3架列車係2006年7月抵港,淨底嗰1架韓製新列車係2006年12月抵港,佢嘅外觀設計大致上同觀塘綫嘅韓製列車一樣,但車速有所提高,而車身色彩同西班牙製列車同色,車頭都冇目的地顯示。首架新車喺2006年4月進行試車,2006年6月12號中午投入服務,第二架新列車喺2006年9月4號投入服務,第三列新列車喺2006年10月6號投入服務,第四列新列車喺2007年2月26號投入服務。

上行(往東涌 西班牙德國製地鐵列車車廂編組 (往香港下行
V6XX - W6XX - X6XX - Y7XX - W7XX - X7XX - Z8XX - V8XX
  • 地鐵西班牙同德國製列車車廂編組註解:
    • V6XX/V8XX - 有駕駛室同附集電弓嘅動力車廂
    • X6XX/X7XX - 拖卡
    • W6XX/W7XX - 動力車廂
    • Y7XX - 附集電弓嘅動力車廂
    • Z8XX - 負責操控嘅動力車廂

* W7XX 係喺2003年所增加嘅車卡

上行(往東涌 南韓製地鐵列車車廂編組 (往香港下行

V6XX - Z6XX - X6XX - Y7XX - W7XX - X8XX - Z8XX - V8XX

  • 南韓製地鐵列車車廂編組註解:
    • V6XX/V8XX - 有駕駛室嘅拖卡
    • W7XX/Z6XX/Z8XX - 有集電弓嘅動力車廂
    • X6XX/X8XX/Y7XX - 動力車廂

東涌綫列車每架都有編號,為 TCLxx,第一到第十二架列車(西班牙德國合製嘅列車)就係 TCL01 至 TCL12,而第十三到第十六列列車(南韓製嘅列車)就係 TCL13 至 TCL16。

車站一覽‧接駁路線

編輯
車站名同套色 英文站名 喺邊區 營運距離(公里) 接駁路綫 通車日期
站間 累計
東涌綫
東涌 Tung Chung 離島區 10.5 30.8 可以行去東涌纜車站轉乘昂坪360 1998年6月22號
欣澳 Sunny Bay 荃灣區 8.8 20.3 迪士尼綫 2005年6月1號
青衣 Tsing Yi 葵青區 2.3 11.5 機場快綫 1998年6月22號
荔景 Lai King 3.9 9.2 荃灣綫
南昌 Nam Cheong 深水埗區 1.1 5.3 屯馬綫 2003年12月16號
奧運 Olympic 油尖旺區 1.6 4.2 1998年6月22號
九龍 Kowloon 2.6 2.6 機場快綫
可以行去柯士甸站屯馬綫[AUS]
或者行去香港西九龍站高速鐵路
香港 Hong Kong 中西區 - 0.0 機場快綫
可以經中環站港島綫或者荃灣綫
附註
  • AUS 九龍站並唔係接駁屯馬綫嘅車站,但可以經佐敦道行人天橋行大約10分鐘去柯士甸站,或者喺南昌站轉車。九龍站乘客行去柯士甸站轉車,會當兩程車計算。