中華中學 (香港)

中華中學（Chung Wah Middle School）係香港一中學。一九六七年，六七暴動期間，學校蔑視香港政府法令，師生參與暴動同整土制炸彈，敎育司勒命停校。

史

中華中學，係黃冷觀喺一九二六年創辦。黃氏唔只係做校長，佢亦係《大光報》主筆。

一九三八年黃冷觀死，仔黃祖棻（Wong Cho Fun）接手。由於一九四一年日本侵港，黃祖棻遷校廣西柳州。

香港重光之後，一九四六年，在港復校。地址香港羅便臣道一百廿三號，校舍有兩層，有寄宿。

黃祖棻親中國共產黨，學校畀政府睇實。

一九五八年八月。香港政府發現校舍係危樓，而一度封閉。

學生整炸彈搞到學校被關閉

一九六七年，六七暴動，中華中學唔少師生參與其中，因為罷工罷課得不到香港市民響應，鬥委會於是將暴動升級為連串土製炸彈襲擊，左派恐怖份子係香港通街放炸彈，搞「遍地菠蘿」想整死香港，左派恐怖份子宣稱「菠蘿」係用嚟炸平暴嘅警察，但係炸傷炸死咗好多都係香港平民百姓，反而搞到左派自己同係背後支持暴動嘅中國共產黨係香港嘅形象越來越神憎鬼厭。十一月廿七號深夜，中華中學嘅學生蕭偉民係校內嘅實驗室同左派暴徒一齊整炸燀，但係發生意外爆炸，哩個十八歲中華中學男學生被炸到重傷，佢俾自己有份整嘅炸斷咗一隻手，其他整炸彈嘅暴徒係意外發生後走嗮，掉低哩個重傷嘅中華中學學生，差人到場後叫十字車送佢入醫院救治，係現場又起出大批武器，差人之後拘咗五個涉案恐怖份子。香港政府係事發後因為中華中學被用作整炸彈，所以係爆炸案發生後下令封閉學校，教育司署安排學生轉校。係七月起周圍放炸彈嘅左派宣稱受到迫害，十二月三號，校長黃祖棻因敎唆學生製造炸彈，同參與暴亂被補。佢係鬥委會委員之一。十二月十三號，六七暴動漸趨被平息，中華中學請求敎育司解封學校，但遭到敎育司拒絕。

由於中華學校不得復辦。一九六九年，黃祖棻改名做育華中學，學校直到一九八零年，不敵政府資助學校競爭而結束。

舊生

• 董建華
• 梁愛詩，讀初中，黃冷觀係佢外公。黃祖棻係佢大舅父。
• 黃祖耀，又叫黃苗子，畫家。黃冷觀嘅仔。