開主選單

中華人民共和國大元帥

中華人民共和國大元帥粵拼zung1 waa4 jan4 man4 gung6 wo4 gwok3 daai6 jyun4 seoi3中華人民共和國響1955年設嘅軍銜之一,1955年至1965年係該國嘅最高軍銜,1965年廢止。呢個軍銜原本只係打算授予毛澤東,但係毛澤東唔肯要,因此始終無人獲得過大元帥軍銜。中華人民共和國現行最高嘅軍銜係上將

設立

1952年冬天,解放軍評級工作結束之後,總幹部管理部開始討論軍銜嘅設置,部長羅榮桓、副部長賴傳珠同徐立清請總參謀部、總政治部同蘇聯顧問卡蘇林等一齊研究,主要依照蘇聯軍銜設計出幾套方案。響初步方案中,「中華人民共和國大元帥」已經出現並位於最高級,同「蘇聯大元帥」響蘇聯軍銜體系中位於最高位嘅情況相同。[1][2]雖然之後有人反對,但係最後都係設立咗。

毛澤東唔肯要

其實早喺1954年,毛澤東就透露出佢唔願意接受大元帥軍銜嘅意向。當時解放軍總參謀部軍務部副部長李平臨時調去軍銜辦公室,負責實行軍銜制嘅有關事務,訂做咗一批樣品軍服放響中南海小禮堂,其中就有一套精心設計嘅大元帥服。根據李平嘅回憶,當年秋季嘅某一日,毛澤東、朱德劉少奇周恩來彭德懷等人嚟到小禮堂,李平陪佢哋參觀樣服。當李平同毛澤東嚟到着住大元帥服嘅木製模特面前嗰陣,李平介紹大元帥服,但係毛澤東對模特彈咗下煙灰,話:「大元帥?你企埋一邊啦!」[3]

爲咗令毛澤東接受大元帥軍銜,全國人大常委會專登開會討論,參與討論嘅委員認為毛澤東響建軍建國嘅過程中功勞最大,所以要授大元帥軍銜,就好似斯大林大元帥噉,而且毛澤東率領嘅部隊打嘅仗重多過斯大林,時間亦長過佢。而主持會議嘅劉少奇知道毛澤東嘅態度,表示「唔能夠作結論」。又有人提出,只要人大常委會作出決定,毛澤東個人唔可以唔遵從決議,劉少奇就話:「人大常委會可以決定,但係毛主席係國家主席,要佢落命令先得嘎,他唔落命令又點算先?」劉少奇建議各位與會者當面說服毛澤東,於是會上無決定。[4]

最後,中共中央同中央軍委經過考慮,認為毛澤東已經係中共中央主席同中華人民共和國主席,加上當時係和平時期,決定唔授予毛澤東大元帥軍銜。[5][6]

參考