中西區海濱長廊
中西區海濱長廊，香港海濱長廊三截，響中西區而名，香港島西部北岸，對住維多利亞港，英文叫Central and Western District Promenade。三者都歸康樂及文化事務署管。
三截並不相接，亦唔相關。東向西數，第一截中西區海濱長廊中環段，喺中環金鐘一帶。第二截中西區海濱長廊上環段，喺上環西營盤一帶。第三截中西區海濱長廊西區副食品批發市場段，喺西區副食品批發市場，喺西營盤石塘嘴一帶。
中環段同上環段之間，至少隔咗中環碼頭海濱長廊同港澳碼頭。而上環段同西區副食品批發市場段，又至少隔咗中山紀念公園同捐山窿公園。中環段以東，就同灣仔臨時海濱花園相連，去到灣仔一帶。
史 編輯
三截名近而實異，各有緣由，並非同一項目。至先上環段，二〇〇九年落成，純粹要起上環雨水泵房，順帶起埋公園[1]。 其後中環段，二〇一三年完工，皆因起中環及灣仔繞道，有笪新填地，順勢起埋公園[2]。再來西區副食品批發市場段，二〇一八年起好，為梁振英時，中西區區議會所揀社區重點項目，西區副食品批發市場海邊窄地同碼頭，重新利用，改成公園[3]。