中間偏左
中間偏左係一種政治意識形態，係有左派傾向嘅中間主義，通常同進步主義通用。佢哋嘅政治立場一般都係支持社會民主主義、社會自由主義、同埋綠色政治。經濟上，佢哋一般都支持混合經濟同埋福利主義，同時支持工人權益。
歷史
編輯中左派最先喺18世紀尾喺法國出現。當時，法國大革命造成咗政治動蕩，令政治各門各派嘅支持者都出嚟，表達佢哋對將來嘅願景。其中有一班人雖然同搞革命嘅雅各賓一樣都反對君主制，但係佢哋並唔希望用政治暴力嚟發動革命，反而係用和平手法嚟建立君主立憲國。
到20世紀頭，美國同歐洲出現咗進步主義，嚟為喺工業革命期間嘅勞動階層發聲[1]。自從二次大戰之後，社會民主主義喺西歐成為咗主要嘅意識形態，而唔少國家喺去殖民化之後都同樣走類似嘅路綫。