意識形態
意識形態係政治術語，指特定思維同價值觀。意識形態有多唔同嘅種類，有政治嘅（可以睇政治光譜）、社會嘅、知識論嘅、倫理嘅等等。
響社會研究入面，政治意識形態係一組用嚟解釋社會應該點樣運作嘅觀念同原則，同埋提供咗某啲社會秩序嘅藍圖。政治意識形態大量關注點樣劃分權力，同埋呢啲權力應該被運用響邊啲目的上面。譬如話說，20世紀入面最具有影響力同最被清楚界定嘅政治意識形態之一，就係共產主義，佢係以馬克思同恩格斯嘅學說做基礎。其他例子重有：無政府主義、資本主義、社群主義、企業自由主義（corporate liberalism）、基督教民主主義、法西斯主義、帝國主義、民族主義、納粹主義、保守主義、自由主義、社會主義、社會民主主義。系統意識形態（systematic ideology）係指將意識型態當做意識形態嚟做研究（唔係研究個別嘅意識形態）。
