串聯同並聯電路

串聯（粵拼：cyun3 lyun4 | series）同並聯（粵拼：bing6 lyun4 | parallel）係電路嘅種類。喺一個串聯電路當中，電流會經過嗮所有嘅電阻，而喺一個並聯電路當中，電流會半路分途，不過最後會結合返埋一齊；喺一個理想化（idealized；簡單化，唔考慮能量流失等嘅因素）嘅串聯電路入面，橫跨所有電阻嘅總電壓會等同電源施嘅電壓，而喺一個理想化嘅並聯電路當中，啲分叉路嘅電流總和會等同電源施嘅電流。

串聯

因為只有一條電路，所以較為簡單。

因為電池係電路入面負責提供電壓，所以電池串聯，能夠提升電器受到的電壓。

因為電器係電路入面負責提供電阻，所以電器串聯，能夠降低電器受到的電壓。

並聯

因為並聯電路有多條支電路，所以較為複雜。

電池並聯時，各電池嘅電壓唔可以相差太多，唔係嘅話有可能高電壓嘅電池會向低電壓嘅電池充電。

假設電池嘅電壓相同，就好似舊電大粒咗，電量疊加咗，但唔會改變電壓。

而電器並聯時，各電器嘅電阻都唔可以相差太多，唔係嘅話有可能電只流過電阻較細嘅支電路，造成另一個機器唔著。 所以有時需要對某條支電路增加電阻器嚟平衡吓。

電器並聯，對於主電路嚟講，就好似條路闊咗，阻力細咗，所以主電路電阻會減少，從而電流增加。 理論上嚟講，並聯幾多電器都可以，但因為主電路電流增加，可能條電線頂唔順。 又或者超出咗舊電可以輸出嘅電流上限，同埋舊電池輸出嘅電流大咗，降壓較嚴重，降低電器嘅表現。