前深水埗配水庫
(由主教山水庫跳轉過嚟)
前深水埗配水庫（英文：Ex-Sham Shui Po Service Reservoir），前名深水埗食水減壓缸（英文：Sham Shui Po Fresh Water Break Pressure Tank），又叫窩仔山蓄水池、主教山配水庫，係香港舊時一座水務設施，喺九龍深水埗東部窩仔山（又叫主教山）山體入面，喺1904年8月10號落成，到1970年停用後就丟荒咗。
2020年12月水務署安排清拆嗰陣[1]，畀人意外咁到發現咗呢度係有著好古典嘅建築特色，公眾開始關注返仲強烈咁要求當局停止清拆同再保育，最後當局係暫停咗工程先。
建築
編輯前深水埗配水庫整體係呈圓形，直徑大概係150英呎、20英呎深，容量200萬加侖，入邊係由麻石柱陣同圓拱形紅磚嘅結構撐返住，成個建築係有著古羅馬式嘅風格[2]。
清拆
編輯香港水務署喺2017年檢查嘅時候，發現丟荒嘅配水庫頂部係出現咗裂痕，畀樹根穿埋入去，嗰時嘅評估係認為結構唔安全，就開始咗計劃清拆。喺2020年10月開始清拆後，暴露咗內部嘅構造，同年12月28號就俾市民發現到減壓缸嘅原本面貌，開始呼籲返水務署停止清拆，收尾就獲得傳媒嘅廣泛報導，而各黨派人士亦一齊呼籲停工，最尾水務署係應承咗停低工程[3]。到咗停工嗰時，配水庫係經已俾拆爛咗20乘10米面積嘅天花，同埋4條麻石柱。喺2021年1月4號水務署確認返個食水減壓缸係喺1904年落成，話會做返臨時加固同整理工程，畀埋人入去視察做復修同保育[4]。
攷
編輯- ↑ 〈深水埗主教山食水減壓缸地盤重整工程〉 (PDF)。《水務署（香港）》。2020年5月。喺2020-12-29搵到。
- ↑ 〈【百年古蹟】深水埗主教山古羅馬儲水池擬清拆 跨黨派促水署停止工程〉。《香港經濟日報》。2020-12-28。喺2020-12-29搵到。
- ↑ 〈水務署亂拆深水埗主教山配水庫百年英殖蓄水池 群眾護池後跪低煞停 揭古蹟辦從未評級〉。《蘋果日報》。2020-12-28。原著喺2020-12-28歸檔。喺2020-12-29搵到。
- ↑ 〈主教山配水庫｜水務署確認食水減壓缸1904年落成 明起展開臨時加固整理工程〉。《明報》。2021年1月4號。喺2021年1月6號搵到。