九一機場和你塞行動
九一機場和你塞行動，又叫「和你飛2.0」，係2019年9月1號反逃犯條例修訂運動中喺北大嶼山東涌、欣澳、大陰頂（青嶼幹線收費廣場）同赤鱲角香港國際機場進行嘅一次示威。示威者冇理到禁制令，再喺機場發起「和你塞」集會。受事件影響，機場快綫暫停服務，隨後因為激進示威者大肆破壞東涌站，搞到連東涌綫都停嗮，出入機場主要幹道俾示威者塞住，來往機場交通陷入癱瘓。旅客同機組人員都要行路出入機場[1]。
嗰晚，由於公共交通全線關閉，大批示威者沿北大嶼山公路由東涌行路走，預備行近20公里返市區。由此引發其後上千市民揸私家車由市區嚟「義載」接示威者；據《德國之音》報導，全晚有大概5000架私家車出動。示威者同市民行咗幾個鐘至去到青馬收費廣場搭義載車返市區，行動被形容為「港版鄧寇克大撤退」[2][3][4][5]。
睇埋
編輯參考
編輯- ↑ 香港激进示威者非法堵塞机场 旅客：我们只想回家
- ↑ 〈【9.1再塞機場】走近 20 公里路撤退 「最初打算血戰青馬大橋，背水一戰」〉。《立場新聞》。原著喺2019年9月2號歸檔。喺2019年9月9號搵到。
- ↑ Huang, Abby (2019-09-02)。〈【圖輯】香港版「敦克爾克大撤退」：公共交通全線關閉，5000私家車「義載」示威者回家〉。《The News Lens 關鍵評論網》 (中文)。
- ↑ 〈義載「和理塞」演港版鄧寇克〉。《Apple Daily 蘋果日報》。原著喺2019年9月3號歸檔。喺2019年9月9號搵到。
- ↑ 許育民 (2019-09-02)。〈【港版鄧寇克】市民被困東涌徒步離開 真正歷史要70日撤30萬軍〉。《香港01》 (香港中文)。喺2019-09-02搵到。