九評共產黨

《九評共產黨》簡稱《九評》，係一系列評論文章，主要針對中國共產黨政治觀點，以及佢統治中國大陸期間嘅影響。文章後嚟結集成書。文章發表於《大紀元時報》，該報以美國爲基地，人員同中國共產黨鎮壓嘅宗敎組織法輪功有關。中國共產黨同法輪功，兩者勢成水火。

套評論喺2004年11月開始喺《大紀元時報》上連載，家下已經集結成書，喺中國大陸以外出版，亦剪輯成紀錄片，以大紀元時報網絡同其他途徑傳播。亦譯成英、日、德、法、韓、俄、西班牙、越南、意大利等多隻語言。大紀元時報宣稱，係自六四事件鎮壓以嚟，引起最大退黨潮，估計目前中國大陸有一億人退出中國共產黨。

作者

據《開放雜誌》2006年1月號報導，中國異議人士鄭貽春係《九評》一書嘅作者，佢喺2005年12月被中共法院以煽動顛覆國家政權罪判處七年徒刑，並以英語向旁聽嘅細佬鄭曉春透露佢係《九評》嘅作者。為鄭貽春辯護嘅高智晟律師發表緊急聲明講：「今日上晝，我嘅涉案人鄭貽春喺《九評中國共產黨》（下稱《九評》作者）嘅通告發表後，經過有關可靠渠道溝通，話《九評》嘅作者另有其人。」 專欄作家章天光就發表「點解聲明自己係《九評》嘅作者？」一文，對鄭貽春嘅聲明作出新嘅解讀。

台大經濟系教授張清溪喺接受台灣中央廣播電台採訪時，就九評作者嘅問題講「都係美國嘅大紀元編輯搦筆嘅。」

內容綱要

1. 評共產黨係乜嘢
2. 評中國共產黨係點起家嘅
3. 評中國共產黨嘅暴政
4. 評共產黨係反宇宙嘅力量
5. 評江澤民同中共相互利用迫害法輪功
6. 評中國共產黨破壞民族文化
7. 評中國共產黨嘅殺人歷史
8. 評中國共產黨嘅邪教本質
9. 評中國共產黨嘅爛仔本性

影響

睇埋：退黨潮

香港街頭嘅「九評退黨」橫額

《大紀元時報》喺社論《九評共產黨》發表後並作出咗「大紀元鄭重聲明」，文中揭示中國共產黨事關從古至今做過嘅種種導致大量人口非正常死亡嘅唔人道行為，最後只會「天滅中共」，因此發起中國人「退黨」偉業，力勸中國人退出中共黨、團、少先隊員以保有美好嘅未來。

據《大紀元時報》網站，從《九評》發表至2011年1月20號為止，起碼一億一千幾名中國人聲明退出共產黨。大紀元網站從2004年12月開始統計退出中共黨、團、隊人數。

爭議

1. 《九評共產黨》第二章第一句為：按《說文解字》，「黨」意即「尚黑」。事實上，《說文解字》原文為「黨，從黑，尚聲」，意為黨字屬於黑部，讀音為尚，尚與黑之間並無關聯。
2. 大紀元網站上「三退」即「退黨、退團、退少先隊員」嘅人數係真實嘅，據全球退黨中心嘅扯線，「三退」數字有幾種唔同嘅來源： 1.人哋直撥「三退」熱線；2.國內嘅「三退」義工收集名單傳到海外；3.喺世界各地嘅觀光景點登記「三退」等等，呢啲都係「三退」嘅主要方式。而「三退」至多嘅，重係國內民眾同「三退」義工突破網絡封鎖之後，喺退黨網站上宣布「三退」嘅。
3. 因中國政府嘅「防火長城」屏蔽，大紀元網站並唔能夠從大陸直接登錄，需要透過翻牆進入，而中國入黨入團嘅網民（包括海外），知大紀元網站嘅人數較少（特別係中國國內）而又試進入網站並「退黨退團」嘅人就更少，「起碼一億一千幾名中國人聲明退出共產黨」令人難以相信，可能係捏造或作大嘅數字。

相關嘅書同文獻

• 大紀元，《九評共產黨：一份對中國共產黨嘅判決書》，博大出版社2004年，ISBN 1-932674-13-6
• 大紀元，《解體黨文化》，博大出版社2007年，ISBN 9789868163645

出面網頁

• 《九評共產黨》網上版
• 九評和退黨（大陸簡體）
• 九評和退黨（臺灣正體）