五仙觀

五仙觀
五仙觀
	中華人民共和國; 全國重點文物保護單位
喺邊	廣東省廣州市
類	古建築
時代	明至清
冧	7-1273-3-571
登錄	2013年3月
地圖

五仙觀（粵拼：ng5 sin1 gun3，英文：Temple of the Five Genii）係中國廣東省廣州市嘅一間道觀，喺越秀區嘅惠福西路，明朝嘅洪武七年（1374年）嗰陣起。呢間嘢喺明朝同埋清朝嗰陣嘅羊城八景入面，係攞過「穗石洞天」同埋「五仙霞洞」呢兩隻名嘅。喺1949年廣州被解放軍佔領之前，五仙觀係喺惠福西路嘅內街入面，佢重係廣州起咗城2000年之後嘅歷史標記。

史

20世紀初嘅五仙觀儀門（已經冧咗）

五仙觀係根據羊城傳說呢隻古仔入面講嘅嗰啲嘢嚟整出咗嘅其中一間宮觀。其實傳說喺周朝嗰陣，廣州發生咗單旱災，結果有五隻仙人騎咗隻羊落咗嚟，跟住就將啲禾苗同埋啲羊咩留低咗落嚟。後嚟啲人爲咗多謝呢五隻仙人先至喺佢哋落羊嗰笪地整咗間五仙觀。

雖然話五仙觀喺歷史入面，有陣時係冧咗，有陣時係重新起咗嘅。依家呢間嘢已經變咗好多次喇。跟據有關歷史嘅書寫咗嘅：喺北宋嗰陣，廣州入面嘅十賢坊（依家廣仁路入面，舊陣時廣東財政廳嘅呢笪地）就起咗間拜五仙人嘅寺院；喺南宋嘅嘉定年（1208～1224年）嗰陣，寺觀就搬咗去西湖嘅玉液池嗰邊（依家嘅西湖路嗰邊）；到咗南宋尾又搬返到依家嘅廣仁路；到咗明洪武元年（1368年）嗰陣，五仙觀就因為發生咗單火燭就冧嗮；後嚟到咗洪武十年（1377年）就響依家惠福西路嘅坡山巷附近重新整返間五仙觀。而呢間五仙觀就係由嗰陣嘅廣東行省布政使趙嗣堅嚟起嘅。到咗明朝嘅成化五年（1469年）同埋清朝嘅雍正元年（1723年）又重新裝修過間五仙觀。

以前五仙觀喺公元265年嘅兩晉時期嗰陣，佢重係個「坡山」嚟嘅，嗰陣時嘅坡山重係一個碼頭嚟嘅，其中江面有1.5公里噉遠，依家呢度已經變咗係平地喇。喺20世紀初，廣州就開始拆城牆準備起條馬路，而附近嘅惠福路呢條路嘅名就係因為有間五仙觀響度先至改咗噉嘅名。

中華民國十二年（1923年）廣州市政府爲咗噪錢嚟買啲軍炮同埋坦克仔，搞到將間五仙觀攞咗出去搞拍賣，搞到道觀入面嘅道士都全部趕走嗮。

喺惠福西路入距離解放路冇幾遠嗰尐係廣東省、香港同埋澳門入面都出嗮名㗎喇（因為有條燈籠街響度）。不過呢條所謂嘅「燈籠街」喺過咗1949年中共建政之後，由於中央搞咗破除迷信嘅思想政策，所以燈籠街就冇咗喇，而入面嗰啲藝人全部都轉嗮行搞第啲嘢。

喺中共建立政權之後，五仙觀同埋嶺南第一樓都係由廣州市文化管理委員會嚟睇實嗮嘅，後嚟就畀咗廣州博物館嗰尐。喺嗰陣時嘅廣州市惠福區（依家係越秀區）人民文化分館就喺五仙觀入面做嘢。到咗1963年3月份，呢間嘢重攞咗廣州市嘅一級文物保護單位添。後嚟到咗文化大革命嗰陣，呢間嘢被紅衛兵嘅細路哥霸咗，唔開畀其他人入去。

20世紀80年代，呢間嘢重新裝修之後就對外開放。
1989年6月，呢間嘢重攞咗廣東省文物保護單位。
1998年，劃咗畀越秀區文化局嚟睇實呢間嘢。
1999年，撤銷咗惠福西路第二小學。
2000年下半年，五仙觀周邊差唔多成萬平方米嘅民居同埋鋪頭都拆嗮。
2001年，喺五仙觀附近起咗個文化廣場。
從2002年開始，將條東、西廊同埋儀門都重新裝修過嗮。
2003年，五仙觀對外開放。
2004年春節，五仙觀已經還原咗以前嘅樣。但係重新起過嘅新儀門附近嘅瓦坑，數量同原嚟舊陣時嘅樣差唔多，但係柱礎就變大咗。原嚟有嘅心間（七級嘅樓梯）同埋左右次間（接風雨廊），依家都冇整到出嚟。
2013年3月，五仙觀同埋嶺南第一樓都整咗入去第七批全國重點文物保護單位嘅清單入面。

傳說

五仙觀入面嘅，有整到傳說入面講到嘅仙人。

目前，五仙觀呢樣嘢喺家陣啲人入面，係出現咗3個版本嘅。

第1個版本

傳說就話喺周夷王八年（前887年），廣州就成日出現旱災，搞到啲人成日都餓嚫。搞到有日喺南海嘅天入面搞咗啲歌仔出嚟，重出現咗有著住五件唔同顏色嘅衫嘅仙人，重騎住隻羊咩企喺舊雲上面，而羊咩嘅嘴就啄住啲禾苗。後嚟仙人就將啲禾苗畀咗啲廣州人唔使成日餓嚫。後嚟啲仙人就飛咗上天啦，結果五隻羊咩就變咗舊石頭。後嚟廣州就變咗嶺南地區最有錢嗰尐喇。

第2個版本

同第1個版本入面講嘅五個仙人出嚟嘅嘢差唔多，但係時間就喺戰國周顯王嗰陣出現嘅。

第3個版本

喺晉朝嗰陣，由於吳修做咗廣州刺史，佢都重未嚟上任咋，就有五位仙人騎住五隻顏色嘅羊咩，重啄住啲禾苗到咗廣州嘅州治廳堂上面。搞到吳修就喺廳堂上面畫咗隻五仙人嘅相出嚟睇下佢，重話廣州係棟「五仙城」添。

主要建築

五仙觀嘅儀門面嘅大細係闊三間，深二間，而且綠琉璃瓦同埋青磚石腳都響山頂嗰頭出現過嘅。而石門嘅上面寫住嘅「五仙古觀」呢四隻大字，就係喺清朝嘅同治十年（1871年）嗰陣，係由兩廣總督瑞麟寫咗出嚟嘅。儀門附近重保存咗一對由漱珠崗火山岩整出嚟嘅石麒麟響度。呢個重係中國內地好少見到嘅文物。入咗儀門之後就係中殿遺址，之後先至到後殿。而後殿嘅大細係：長12米，闊10米，高7米，嗰邊重係個山頂，上面重鋪咗埐綠琉璃瓦響度。正脊嘅兩邊係回紋形嘅．中間重有兩條倒立嘅鼇響度，喺正中嘅脊附近重有條寶物裝飾添。而殿嘅兩邊有劃住「大明嘉靖十六年十一月拾貳」呢啲字響度。

仙人拇跡

仙人姆跡

如估跟住條巷嘅10級樓梯入面上到去儀門嗰尐，發現石門嘅上面有劃住「五仙古觀」呢4隻大字。喺儀門嘅東邊嘅一間小學入面，重見到用磚頭整成嘅環形水池添，個池入面重有個長闊有大概4米嘅天然紅砂岩石，啫係話「穗石」。其中石面重有笪好似個大嘅腳印噉凹咗入去嘅嘢。而個池入面重有舊石畫住「仙人拇跡」呢4個字。而個印嘅下面重有個泉眼係廣州古城嘅兩個泉入面，保存得最好嘅其中一個泉。

其實喺晉朝嗰陣，呢尐重係珠江邊嘅碼頭添，後嚟經過珠江嘅水成日長時間咁侵蝕同埋衝擊，搞到岩石嗰度留低咗兩個大印。後嚟呢兩個印又連埋一齊，變咗好似個腳印噉大嘅印。後嚟啲人就唔知呢個因係點整出嚟嘅，就將呢個因話成咗係「仙人拇跡」喇。依家呢度係廣州市嘅重點文物保護地帶，喺20世紀80年代就重新裝修過下，嗰度重係廣州市區入面，成日睇古代啲嘢嘅一尐。

嶺南第一樓

而喺五仙觀入面，最出名嘅就係嶺南第一樓喇。而嶺南第一樓就係一棟好似啲城樓噉嘅古代建築。呢棟樓係由行省參政知事汪廣洋喺明洪武七年（1374年）嚟起咗呢棟樓嘅，講下呢棟樓嘅歷史就巴閉咯，佢足足就比鎮海樓早咗7年先至起好嘅。佢呢棟樓係用咗紅砂石嚟整嘅，棟樓嘅高有7米，中間係通嘅，好似個城門噉，上面重起咗棟大亭嚟整成咗一棟大嘅樓臺噉。而呢棟樓喺明朝嗰陣，同埋五層樓一齊都係嗌成「雙璧」咁樣。喺屈大均寫咗嘅《廣東新語》呢本嘢入面，重將嶺南第一樓、鎮海樓、海山樓同埋拱北樓呢4棟樓挾埋一齊，講成係「四大崇樓」。喺嶺南第一樓起好之後嘅第四年（1378年）重整咗個大鐘掛喺棟樓頂尐。而呢個大鐘就有3米噉高，口嘅直径有2米幾，有3寸噉厚，重量達到5噸咁重，佢係廣東省入面最大嘅鐵鐘。如估呢個大鐘被嘢撞咗一下嘅話，個聲都幾大下㗎。而呢隻大鐘就係成日喺遇到火燭嗰陣，嗌人救火先至可以用得嘅，如估冇咩事嘅話係唔畀撞個鐘㗎；後嚟呢隻大鐘又響咗下，搞到城入面就爆咗單嘢一下整到成個廣州城都鬼咁火爆噉——所以改咗名嗌「禁鐘」。而呢棟樓重可以被人嗌成「禁鐘樓」添，重有呢個鐘凈係用咗一條葛藤嚟掛住㗎，喺呢度樓嘅後面重有個院摆住舊太湖石響度。嶺南第一樓喺1989年6月被廣東省人民政府公佈咗係廣東省級嘅文物保護單位添。

宗教軌跡

五仙觀嘅石頭羊咩

喺漢朝同埋晉朝嗰陣，廣州嘅一笪原始嘅神仙成日嚟信埋嗮啲噉筍嘢，話最有原始神仙方術信仰嘅係五仙觀嗰尐。根據《宋張勵五仙觀記》轉《南務嶺表記》同埋《圖經》呢兩本嘢話：喺漢朝同埋晉朝嗰陣有五個仙人騎住5隻羊咩攞住6抽禾苗，重騎住舊雲過咗嚟。因為嗰陣嘅廣州搞咗單旱災出嚟，結果神仙見到咁陰功就丼咗啲禾苗畀咗啲人唔冇成日餓嚫，畀完禾苗之後啲仙人就走嗮，留低咗啲羊咩響度，最後羊咩就變嗮石頭。後嚟嗰啲人就起咗間嘢嚟拜佢哋喇。所以點解廣州之後係有「羊城」呢隻名嘅。喺宋代之前，道觀入面已經有道士修緊行喇，其中程師孟同埋蔣之奇呢兩位詩人就分別寫咗呢兩首詩嘅：「欲舉輕舟印碧虛，善鄰猶得道流居。」「州宅之西敞華堂，我來跪拜焚寶香。堂中塑像何所見，乃有五仙乘五羊。」

日後嘅面貌

根據廣州市越秀區政府規劃，話個五仙景區之後喺圍繞五仙觀同埋嶺南第一樓，再結合廣場嘅建設同埋周邊嘅環境整治，嚟開展民間曲藝演出同埋風俗演示。佢重規劃咗3笪居民景區：甜水巷、金城巷同埋怡樂里，重將通過整改同埋開發成片嘅特色建築嚟展現出地方性傳統嘅建築同埋獨特嘅風情。

俗語

廣州入面成日有條數字地名順口簧，其中就包括咗呢度（加粗咗嘅字）：

1德路、2沙頭、3元里、4牌樓、5仙觀、6榕路、7株榕、8旗二馬路、9曲巷，10甫路。

交通

巴士：

惠福路（省醫門診部）站：3、6、66、82、106、110、124、217、541
中山六路站：58、74、102、104、107、193、233、250、286

五仙觀

目錄

史

傳說