亞羅號事件（Arrow Incident）係大清同大英帝國兩國之間嘅衝突，件事引致第二次鴉片戰爭（第一次英法聯軍），所以佢引起嘅戰爭，又叫亞羅號戰爭。
亞羅號，譯自英文名Arrow，箭咁解，係艘唐舤木船，喺香港駐冊，所以可掛英國旗，受英國保護。1856年，省城水師緝私船隻，搜查掛咗英旗嘅亞羅號船，抆咗船上支旗，仲捉咗水手十二人。英使領巴夏禮向兩廣總督葉名琛抗議。省城官員稱，隻船當時無掛英旗，只係肯放返水手，但唔肯歸還隻船，亦唔肯道歉。
英艦就炮轟省城，而省城民眾就燒商館報復，英國就以此事為藉口，聯同法國出兵中國。
查實，隻船可能登記已過期。但真正有無掛英旗，亦不得而知。
