人民公敵 (政治)
「人民公敵」（英文：Enemy of the People），或者叫做階級敵人（英文：Class enemy）、「國家公敵」（英文：Enemy of the State），係共產主義既常用術語。「階級敵人」、「人民公敵」同埋「國家公敵」呢啲術語係共產黨對政治對手同埋一啲佢哋覺得會影響佢哋既利益同埋可能有威脅既社會單位、權力集團或者係社會階級既稱呼，然後佢哋會用「不惜一切代價」既手段將呢啲對手同埋威脅進行政治鎮壓，將佢哋消滅喺「萌芽階段」。.
喺20世紀，蘇聯（公元1922-1991年）既政治好大程度上係用「人民公敵」呢個詞嚟抹黑任何既反對派，特別係喺史太林政權（公元1924-1953年）期間，呢個詞經常俾佢哋用嚟指「托洛斯基」（英文：Trotsky）。
喺21世紀，美國前總統川普（Donald Trump，2017-2021年間執政）亦都經常用「人民公敵」來攻擊批評政客同埋記者。
同「國家公敵」一樣，「人民公敵」（英文：Enemy of the People）呢個詞係嚟自拉丁文：hostis publicus，原本指既係羅馬帝國既公敵。喺文學作品裏面，「人民公敵」出現過喺亨里·易卜生（Henrik Ibsen）1882年既舞台劇《人民公敵》既標題度，亦都係莎翁（William Shakespeare）1605年既舞台劇《大將軍寇流蘭》（Coriolanus ） 既主題。
起源
編輯羅馬：共和國同埋帝國
編輯「人民公敵」呢個詞可以追溯到羅馬帝國 。公元68 年，元老院（Senate）宣布尼祿皇帝（Emperor Nero）係hostis publicus，直譯就係「公敵」 。喺呢度「publicus」喺中文同埋英文既語竟，都係用嚟描述同整個集體有關既嘢，暗示咗係政府或者國家，但係拉丁文既「publicus」除咗有呢個意思之外，仲可以直接指人，相當於populus（ 「人民」）、populi（「大眾」或「人民既」），所以「公敵」同埋「人民公敵」喺字源上，可以話幾乎係同義詞。
法國大革命
編輯喺法國大革命期間「ennemi du peuple」呢個詞好經常用。喺1793年12月25號，法國政治人羅伯斯庇爾（Maximilien Robespierre）講過：「革命政府對好公民，負有保護責任；對人民公敵，除了死亡，乜嘢責任都無」。 1794年既《22牧月法》（注：牧月既法文係Prairial，係法國共和曆既第9個月）擴大咗革命法庭既職權範圍，令佢哋可以懲罰「人民公敵」，令到啲政治犯可以俾佢哋判處死刑，包括「散佈虛假信息去分裂同埋困擾人民」。
馬列主義國家
編輯蘇聯
編輯前蘇聯好廣泛咁用「人民公敵」（俄文：враг народа, vrag naroda）呢個詞，呢個詞第一次係喺十月革命後，契卡（Cheka，全名係「全俄肅清反革命及怠工非常委員會」）第一任主席捷爾任斯基（Felix Dzerzhinsky）既演講裏面用過。彼得格勒軍事革命委員會（英文：Petrograd Military Revolutionary Committee；俄文: Петроградский военно-революционный комитет）印製咗「人民公敵」名單，列寧（Vladimir Lenin）喺1917年11月28日既法令裡面引用咗呢個名單：
……「立憲民主黨」呢個充滿住「人民公敵」既政黨既所有領導人特此被視為不法之徒，並應立即逮捕同埋移送革命法庭
柬埔寨同埋中國
編輯毛澤東同埋赤柬領導人波爾布特既傳記作者菲利普·肖特（Philip Short）表示，喺國內政治鬥爭裏面，中國同埋柬埔寨共產黨人好少用「人民公敵」呢個詞，因為佢哋係極其民族主義既國家，佢哋覺得「人民公敵」係外來既概念。
中共更傾向用「階級敵人」，「黑五類」，「臭老九」，「牛鬼蛇神」，「封資修大毒草」（注：封資修即係封建主義者、資本家、修正主義者）等「出生論」既概念當做貶稱去定義佢哋既階級敵人。「黑五類」係指地主、富農、反革命分子、壞分子、右派呢五類「壞」分子；而「臭老九」係指「黑五類」再加上叛徒、特務、走資派和知識分子總共九種人。
喺1957年，毛澤東喺演講同埋文章《關於正確處理人民內部矛盾的問題》裏面指出：「在現階段，建設社會主義時期，贊成、支持和勞動人民的階級、階層和社會團體社會主義建設事業都是人民的事業，抵制社會主義革命、敵視、破壞社會主義建設的社會勢力和團體，都是人民的敵人。」
納粹德國
編輯關於納粹德國將所有猶太人遷往馬達加斯加既計劃，納粹小報《Der Stürmer》寫過：「猶太人唔想去馬達加斯加——佢哋頂唔順嗰度既氣候。猶太人係害蟲同埋疾病既傳播者。無論佢哋定居喺邊個國家，佢哋都會自行擴散，產生同細菌喺人體裏面產生既相同效果……以前，理智既人民同埋理智既人民領袖對人民公敵不屑一顧。我哋一係將佢哋驅逐，一係就殺死佢哋。」