人民路 (廣州市區)

座標: 23°07′29.1″N 113°14′53.8″E / 23.124750°N 113.248278°E / 23.124750; 113.248278

人民路粵拼jan4 man4 lou6)係中國廣東省廣州市入面嘅其中一條主幹道,呢條主幹道喺荔灣區同埋越秀區嘅交界。成條馬路南北走向,南邊從沿江西路西濠涌(依家係地下濠涌)涌口開始,一直向北去到環市西路廣州火車站廣場嗰頭。馬路上面重有條喺1987年整好嘅人民路高架橋。而駕駛方向除咗人民路高架橋嘅最南邊、沿江西路到西堤二馬路附近同埋廣州火車站附近至站南路路口方向嘅地方係單向行駛之外,其它部份都係雙向行駛。呢條路響1920年起,一直到1974年先至鋪好。

人民路
RENMIN LU
人民北路
人民北路
性質: 主幹道
全長: 4.562公里
行車線: 雙向4~6車道
沿江西路到西堤二馬路附近
廣州火車站附近到站南路路口
凈係可以從南向北行。
地區: 廣州市荔灣區越秀區嘅交界
起點: 沿江西路西濠涌涌口
終點: 環市西路廣州火車站廣場
主要建築: 新亞大酒店
新中國大廈
廣州日報社
廣州市兒童醫院
越和國際眼鏡城
美國銀行中心
廣州市婦嬰醫院
新世界大酒店
越富廣場
廣州市第一人民醫院
藍寶石大廈
中國出口商品交易會
呢篇文講廣州市入面嘅人民路。想搵其它城市入面嘅人民路嘅話,請睇人民路

概要 編輯

全長4562米,闊31米,雙向4——6車道。其中單向行駛嘅路段——沿江西路到西堤二馬路附近同廣州火車站附近到站南路路口呢部份,凈係可以從南向北行,其他地方都可以雙向行。呢條馬路分開做南、中、北三條嘅。

編輯

 
舊陣時嘅太平南路(依家嘅人民南路)

其實人民路嘅大部分路段都係以前嘅廣州西城牆,佢分隔咗城入面同埋城出面嘅西關商業區。喺民國九年(1920年)開始拆城牆嚟整馬路,其中包括咗太平南路同埋太平北路(依家係沿江西路到大德路嘅部份)、豐寧路(依家係大德路到中山六路部份)、長庚路(依家係中山六路到方便醫院(依家係廣州市第一人民醫院)部份);喺中華人民共和國成立咗之後冇耐,就整咗條虎長路(依家係廣州市第一人民醫院到東風西路部份);而凈低嘅東風路到廣州火車站附近嘅流花湖東路(依家係東風路到流花路口)同埋友誼路(依家係流花路到廣州火車站廣場)係喺20世紀60年代到1974年先至鋪好嗮。而太平路、豐寧路、長庚路、虎長路、友誼路、流花湖東路呢6條路喺1966年嘅文革嗰陣,被當局全部合併嗮,統一改咗啀「人民路」呢個名重一直用到依家[1]

人民路高架 編輯

喺1986年,從人民南路嘅沿江路部份開始一直到依家嘅流花湖公園東門附近,就整咗條人民路高架橋,而呢條橋喺1987年開通,喺條橋開通無耐,就人山人海。不過依家係用嚟行車嘅[2]。其中喺2001年,因為廣州市政府考慮到沿江西路成日大塞車同埋影響咗珠江嘅周圍景觀,重有匝道嘅利用率好少嘅問題,先至將人民路高架嘅最南邊其中去沿江路嘅嗰條匝道拆咗[3][4]

人民路嘅三條道路,起點到終點 編輯

經過嘅道路 編輯

呢度啲路順序係從南去到北嚟排嘅,其中加粗咗嘅字係主幹道:

編輯

  1. 广. 原著喺2016年3月5號歸檔. 喺2014年3月31號搵到.
  2. 莫冠婷、李天研、徐智 (2012-09-24). "传奇广州60事"征集照片. 廣州日報 A6版. 原著喺2012-09-24歸檔. 喺2014-03-31搵到.
  3. 城市高架桥的利与弊 互聯網檔案館歸檔,歸檔日期2012年10月19號,. 中國城市網
  4. 人民路高架,去留难两全 互聯網檔案館歸檔,歸檔日期2011年12月28號,. 羊城晚報