仁風街

仁風街（英文：Yan Fung Street）係香港何文田一條馬路。

俟住何文田站上斜嗰段馬路係仁風街入口

仁風街出口

仁風街係單線單程路，成條路都係上斜，啲車只可以喺漆咸道北入，行完成條路之後左轉佛光街。條路左邊原本係斜坡，冇樓冇行人路，但喺近漆咸道北有個防空洞入口；至於條路右邊，近漆咸道北有個仁風街休憩花園，同佛光街交界係香港理工大學嘅學生宿舍（以前山谷道邨第17座），中間有行人路連接，行人路下面就係山谷道。

由於港鐵要起觀塘綫延綫嘅何文田站，成條仁風街喺2011年8月16號封晒，去到2016年9月26號先至開返。工程過後，條路左邊係何文田站，近佛光街有一個出入口。