伊利近街

伊利近街（英文：Elgin Street），又叫泥街或者坭街，係香港中環一條街。條街沿山而建，以曲尺形分開兩截。一段由荷李活道向南上山，上到士丹頓街（史丹頓街）同卑利街交界，另一段由交界處卑利街起，東南斜上山，過些利街，到堅道近奧卑利街交界為止。條街比起周圍上山街來講，係無咁斜，而亦可謂駁住早年香港其中兩條大道。

伊利近街路牌

名

伊利近街個伊利近，查實係來自英國專員伊利近爵士而來。佢曾經路經香港，負責第二次鴉片戰爭中，同大清交手，佔領廣東省城，攻入天津附近大沽，促成天津條約。亦響清庭反侮同虐殺英使後，下令攻入北京，火燒圓明園，促成北京條約，英人得到香港島對岸九龍半島。所以條街就以佢名而名。另九龍亦曾有伊利近街，不過後尾唔想撞名，改叫海防道。

伊利近街之所以又叫坭街，皆因佢逢親落雨，就有沙坭滿街，所以有咁嘅名。

街景

政府收牌，民園麵家搬上舖前，唔少人影相留念

二戰後香港政府發牌畀人做街邊食肆，即係大牌檔。而伊利近街亦有檔口。不過隨住香港經濟發達，香港政府逐步收回牌照。其中民園麵家，因2005年持牌人去世而被收牌，得過廣泛報導。

今日伊利近街，新食肆林立，係香港蘇豪區一部。蘇豪，就係英文SoHo音譯，即係South of Hollywood Road之意，即係荷李活道以南咁解。