伍漢持

伍漢持（粵拼：ng5 hon3 ci4；1872年3月29號—1913年8月19號）係一位中國同盟會嘅會員同時，重係廣東赤十字會（而家係廣東紅十字會）嘅一位創辦人。廣東台山人。佢之前成日都喺民主革命嗰度搞幫手，甚至重參加咗好多次推翻清政府嘅起義。喺辛亥革命之後重做咗中華民國國會議員，但係由於佢反對袁世凱嘅獨裁行為，喺1913年就喺天津俾人殺咗。佢重係中華民國成立之後第一位死咗嘅國會議員。

伍漢持
出世	1872年3月29號 大清廣東省新寧縣
死	1913年8月19號  中華民國天津市
國籍	中華民國
職業	中華民國國會議員 廣東赤十字會嘅一位創辦人
出名原因	成日喺民主革命嗰度搞幫手，甚至參加咗好多次推翻清政府嘅起義。

死後

内文：伍漢持墓

雖然話佢嘅骨灰甇喺1914年就送返廣州，重喺嗰年8月搞埋墓葬，但係呢個墓葬送咗去先烈路嗰頭重同胡漢民葬埋一齊。而呢位烈士嘅夫人——李姵珍同佢啲仔女就喺隔籬辦咗間伍漢持紀念醫院（而家係中山大學附屬腫瘤醫院），但係20世紀70年代尾，由於整闊條東風路先至將個搬走咗，不過就冇見到伍漢持啲骨灰甇響度。到咗2010年嘅中山大學附屬腫瘤醫院話擴建嗰陣，施工隊喺墓地嘅西北邊15米嗰度發現咗伍漢持啲完整骨壇響度，佢為咗保存呢位烈士嘅骨灰等啲後人記得佢，廣州市文物部門就將呢啲骨灰送咗去燕塘嘅粵軍第一師諸先烈紀念墓園入面，重喺2012年先至批准咗將佢搬返嚟之前骨壇西北邊70米嗰度搞返個墓壇（而家東風東路嘅中山大學附屬腫瘤醫院西邊隔籬），而伍漢持嘅骨灰甇就放埋咗喺佢嘅墓葬嗰度。