余均益係香港出名廣東辣椒醬牌子，1950年由余兆基創辦。
余兆基後生嗰陣喺順德甘竹灘學到整辣椒醬嘅方法，1922年嚟到香港後，就喺西營盤孭住擔挑賣自製辣椒醬。到1950年，佢開第一間舖頭，老友送咗副對聯畀佢：「均勻調味成佳品，益食何須用美腴」，所以就將舖頭叫做「余均益」，到1969年成立有限公司。
余均益辣椒醬強調自己原味新鮮，酸、香、辣平衡，因為佢哋用全人手去整，而且唔落防腐劑。皆因產量少，所以只係喺余均益門市同幾十間雜貨舖有得賣，惠康都有得賣。
