電腦硬件

硬件，又叫硬體，係裝喺機箱入邊，構成個人電腦嘅嘢。系統軟件儲存喺硬件入邊，而系統軟件入邊包含韌體，例如BIOS同埋作業系統，呢啲軟件使到應用軟件可以提供畀使用者想要嘅功能。作業系統通常由匯流排同裝置溝通，過程要用到驅動程式。

組件

主機板係硬件嘅主要部分。佢係一嚿大塊嘅方形板，上面有複雜嘅電路，連接電腦嘅其他部分，包括中央處理器、隨機存取記憶體、磁碟機（CD、DVD、硬碟，或者其他光碟），同埋其他通過插孔或者埠連接嘅裝置。下邊介紹嘅係直接連接到主機板嘅裝置：

中央處理器（CPU），處理電腦嘅大部分運算，被認為係電腦嘅大腦。佢通過散熱器同風扇嚟降溫。新型嘅中央處理器包含圖形處理器。
晶片組，作為中央處理器同系統其他元件嘅聯絡工具。主記憶體包含喺入邊。
隨機存取記憶體（RAM）儲存正在執行緊嘅作業系統（作業系統嘅核心）同所有正在執行嘅程式（應用程式部分，使用中央處理器或I/O通道）。
- EDORAM
- FPRAM
- SDRAM
- DDR
- DDR2
- DDR3
- Rambus
BIOS，包括韌體同埋電源管理系統。佢嘅英文全名係Basic Input Output System。佢由作業系統嘅驅動程式開啟。新啲嘅主機板會用可延伸韌體介面嚟取代BIOS。
內部匯流排，用嚟連接中央處理器同電腦內部其他元件或顯示卡，音效卡。

匯流排嘅種類有：