你永遠不知道
《你永遠不知道》係由樓南蔚作詞，李王若涵作曲，喺2017年2月18號《歌手2017》第五期節目林志炫以全新未發佈嘅單曲第一次演唱。
| 你永遠不知道 | |
|---|---|
| 林志炫嘅歌 | |
| 發行日期 | 2017年2月18號 |
| 類 | 華語流行曲 |
| 時長 | 4:25 |
| 填詞 | 樓南蔚 |
| 作曲 | 李王若涵 |
| 監製 | 鍾興民 |
簡介
編輯呢隻歌係《我是歌手》開播五季以嚟第一次出現全新未發佈嘅單曲；同集都有譚晶未發佈嘅《賽里木湖的月光》喺舞台演唱。《你永遠不知道》係林志炫回歸《我是歌手》第一場嘅競演選曲，佢揀喺首演唱呢隻歌顧名思義係想話畀大家聽佢呢季嘅選曲態度係大家都估唔到[1]。喺咁樣嘅選曲取態下，佢都想歌迷朋友包容佢，畀佢繼續喺音樂世界入面繼續放飛自我，繼續「為樂瘋狂、因樂不凡」[1]。
呢隻歌係講緊好多世間男女喺愛情嘅路上，總有過去，總有無奈，總有遺憾，總有想念，當嗰個忘記唔到嘅人喺某個幽暗嘅時刻浮喺心頭，當嗰個再壓抑唔住嘅思念就要衝口而出，嗰種唔可以唔嚥下嘅酸楚，而林志炫就想幫嗰啲有緣無份嘅情人唱出[1]。首歌風格可以分做兩部分，第一部分似古典跨界或台灣90年代嘅西洋輕音樂風格嘅翻唱歌，而第二部分嘅副歌似香港80年代嘅日文翻唱歌。
林志炫喺表演嗰晚，佢著咗風衣、西褲、黑皮鞋，好有復古紳士嘅感覺[2]。作曲人李王若涵都專程飛到長沙嚟幫佢做現場鋼琴演奏家。佢喺嗰晚攞到觀眾票選第四名。
背景
編輯呢隻新歌係林志炫用咗三年去錄十隻「One Take」新歌嘅其中一首。佢喺2016年11月5號嘅台北小巨蛋演唱會上以「One Take」（一次過）嘅方式錄完[3]。佢首次公開演唱喺湖南衛視《歌手》，代表佢對呢個節目嘅深厚感情。
創作名單
編輯以下內容整合自網易雲音樂[4]、官方影片：
參考
編輯- ↑ 1.0 1.1 1.2 林志炫 (2017-02-19)。〈為何選唱〈你永遠不知道〉〉。林志炫Facebook。喺2020-06-25搵到。
- ↑ 〈湖南衛視歌手2017林志炫《你永遠不知道》高清錄像視頻回放歌詞〉。read01。2017-02-19。喺2020-06-25搵到。
- ↑ 現場與粉絲一起錄音 林志炫新歌搶先聽 你永遠不知道 ONEtake世界巡迴演唱會-台北站
- ↑ 〈你永远不知道 (Live)〉。《网易云音乐》。喺2020-06-25搵到。