湖南衛視

 湖南廣播電視台衛星頻道（粵拼：wu⁴ naam⁴ gwong² bo³ din⁶ si⁶ toi⁴ wai⁶ sing¹ pan⁴ dou⁶）（簡化字：湖南广播电视台卫星频道），簡稱湖南衛視（簡化字：湖南卫视），花名芒果台（mong¹ gwo² toi⁴），係湖南廣播電視台下屬嘅一條主力電視頻道，亦係湖南電視台第一頻道，1997年1月1號開播，總部喺湖南長沙金鷹影視文化城入面。湖南衛視收視率連續好多年排喺中國大陸嘅省級衛星電視頻道第一同所有電視頻道第二。2009年9月28號正式開始高清標清同步廣播。從2016年8月31號05:42開始，標清頻道改為16:9播放。

湖南廣播電視台衛星頻道 Hunan TV
邊位屬下	湖南廣播電視台
開播	1997年1月1號 (1997-01-01)
畫面制式	SDTV (MPEG-2 576i 16:9) HDTV (H.264/AVS+ 1080i 16:9)
聲音制式	單聲道（標清） 立體聲/環繞聲（高清）
廣播語言	普通話
呼號	快樂中國，湖南衛視
頻道類	衛星電視
播出範圍	中國大陸
收視率	0.408 （2015年，資料出喺CSM）
收視份額	3.54 （2015年，資料出喺CSM）
總部位置	中國湖南省長沙市金鷹影視文化城
姊妹頻道	湖南經視、湖南娛樂頻道、金鷹卡通、金鷹紀實、湖南國際頻道
官方網站	頻道官網
收睇方法 模擬信號 無線電視 隨地區而變（凈限湖南地區） 數碼信號 無線電視 隨地區而變（凈限湖南部分地區） 湖南有線 （長沙）雙向高清1 （益陽）標清18，高清137 （株洲）標清1，高清201 長沙國安網絡 標清40，高清151 大連天途有線 標清59，高清140 福建廣電網絡 標清40，高清218 （廈門地區雙向高清41） 山東有線 （濟南）標清38，高清67 （濰坊）標清43，高清81 （日照）標清44，高清122 （青島）標清48，高清99 中廣有線 （山東棗莊）標清42，高清221 廣州珠江數碼 單向標清60，雙向高清3 河北廣電網絡 （石家莊、廊坊）標清45，高清360 （秦皇島）標清45，高清211 （唐山）標清117，高清323 河南有線 標清74，高清137 北京歌華有線 標清31，高清631 上海東方有線 標清50，高清252 重慶有線 標清58，高清231 天津有線 標清211，高清443 廣西廣電網絡 標清41，高清169 其他地區 隨地區而變 （標清版全國100%覆蓋，高清版除咗吉林長春、遼寧本溪地區外都有得覆蓋） 中星6B 3750MHz（SD）（開鎖） 中星6A 3760MHz（HD）（加密） 中星9號 （戶戶通） 12060MHz（SD）（一代機已經停止傳輸，二、三代機收得到） 網絡信號 電信/聯通/移動/各地傳媒IPTV 隨地區而變 （計埋高清版） 在線收睇／OTT 芒果TV 會員免費（凈限週五、週六20:00-24:00）

2013年9月28號，世界品牌實驗室公佈2013年度「亞洲品牌500強」，湖南廣播電視台（HBS）排第146位，比2012年上升11位，排喺中國省級電視網第一。喺2015年「亞洲電視品牌10強」，HBS超越南韓國家電視台KBS，殺入前5（CCTV、NHK、鳳凰衛視、HBS、TVB）。2013年，湖南衛視錄得63.5億人民幣盈利，相當於全臺灣所有電視台同一年收入嘅總和。

2014年4月成立嘅芒果TV係湖南衛視官方網絡頻道，可以用電腦、手機、平板電腦同智能電視機收睇湖南衛視所有節目同劇集。

台標

湖南衛視台標嘅原意係「魚米之鄉」，一個橙色嘅鵝蛋形，其中左下角有個缺口，中間有一部分梭形嘅鏤空，兩者共同組成一條魚嘅形狀，魚頭朝向右上方。齋睇中間嘅梭形鏤空部分，又好似一粒米。成個台標寓意湖南係魚米之鄉。台標嘅形狀同顏色，又好似個芒果，所以觀眾都叫佢做「芒果台」，而湖南衛視亦接受咗呢個綽號，並將「芒果台」作為官方別名。佢嘅官方網絡電視平台就叫「芒果TV」。

史

T2新區同粉絲樓

• 1997年，湖南衛視上星播出。
• 2001年10月28號，湖南電視台搬到長沙市金鷹影視文化城金鷹大廈，實現全數碼化、全硬碟化、全網絡化同全天無間斷播出。
• 2004年，湖南衛視提出「快樂中國」理念，率先提出全力打造「最具活力嘅中國電視娛樂品牌」，係國内所有電視媒體中，對自身品牌進行清晰定位同形象區隔嘅第一間。
• 2009年5月20號，湖南衛視國際頻道（專屬英文名譯作「HunanTV World」）喺香港落地開播。係首間獲批取得開播「國際頻道」資格嘅電視台。節目經亞太五號衞星傳送，多通道形式嘅覆蓋落地。定位亦由以前嘅「快樂中國」提升為「快樂全球華人」。
• 2009年9月28號，湖南衛視正式開始高標清同步廣播。
• 2010年6月28號，湖南廣播電視台芒果傳媒正式掛牌成立。
• 2011年12月12號開始，香港now寬頻電視合辦嘅now芒果台會播放湖南衞視嘅綜藝娛樂同資訊節目。2015年2月1號開始，now芒果台喺now寬頻電視停播。
• 2015年7月1號，湖南廣電入股大連天途有線電視公司，大連結束10年喺有線電視睇唔到湖南衛視嘅歷史。
• 2016年8月31號，湖南衛視標清頻道寬屏升級，同高清同步16:9比例格式播送，從此告別切邊時代。

主持人

綜藝、娛樂節目主持人
何炅	謝娜	李維嘉	吳昕	杜海濤	汪涵	錢楓
大張偉	王一博	李銳	楊樂樂	沈夢辰	梁田	劉燁
靳夢佳	李浩菲	馬思超	劉承林	侯朋岩	仝卓	高天鶴
新聞、資訊節目主持人
劉夢娜	魏哲浩	熊琪	萬欣	王昊暘	何娟	孫璞
潘丹	劉佳穎
簽約藝人
鞠紅川	蔡程昱	張超	代瑋
台內其他機構合作主持人
經視頻道	王喬
娛樂頻道	柯豆
都市頻道	段俊
芒果TV	李莎旻子

主要節目

• 《快樂大本營》
• 《超級女聲/快樂女聲》
• 《快樂男聲》
• 《爸爸去哪兒》
• 《我是歌手/歌手》
• 《天天向上》
• 《快樂中國跨年演唱會》
• 《我想和你唱》
• 《嚮往的生活》
• 《中餐廳》
• 《我是未來》
• 《親愛的·客棧》
• 《聲臨其境》
• 《我是大偵探》
• 《我家那小子/我家那閨女》
• 《快樂哆唻咪》

出面網頁

• 湖南衛視嘅官方網站
• 中國湖南衛視嘅Facebook頁
• 中國湖南衛視 (@hunantvchina) - Twitter
• 中國湖南衛視官方頻道 China HunanTV Official Channel 喺Google+嘅頁
• YouTube上面嘅 中國湖南衛視官方頻道 China HunanTV Official Channel頻道
• 湖南衛視嘅新浪微博（需要註冊）
• 湖南衛視綜合節目專題
• 湖南衛視電視劇專題
• 湖南芒果娛樂有限公司嘅新浪微博（需要註冊）