你要相信這不是最後一天
《你要相信這不是最後一天》係中國歌手華晨宇為對抗武漢肺炎大爆發而寫嘅一隻歌。由華晨宇作曲、演唱，裴育填詞，喺2020年2月21號《歌手·當打之年》第三期節目第一次演唱。2020年2月25號上晝10點喺網易雲音樂正式發行。
| 你要相信這不是最後一天 | |
|---|---|
 | |
| 華晨宇嘅單曲 | |
| 發行日期 | 2020年2月21號（首唱） 2020年2月25號10:00（發行） |
| 錄製時間 | 2020年2月17號 |
| 錄製場地 | 湖南衛視1200m2演播廳 |
| 類 | 華語流行曲 |
| 時長 | 6:05 |
| 唱片公司 | 網易雲音樂 |
| 填詞 | 裴育 |
| 作曲 | 華晨宇 |
| 編曲 | 鄭楠、華晨宇 |
| 監製 | 鄭楠 |
簡介
編輯作為湖北人嘅華晨宇，佢對呢次疫情好有感覺。呢隻歌嘅歌詞寫住患者由絕望到希望，例如由「末日黃昏」去到「感受溫暖」[1]。佢喺歌詞入面都想畀患者覺得佢哋係充滿希望、畀佢哋信心，例如「只為了更好的遇見，那一天值得等待，那一眼，滿載星海」[2]。華晨宇亦都知道大家都受緊身體同精神上嘅痛苦同恐懼，所以佢想透過呢隻歌令大家相信世界嘅美好未終結過，希望嘅光亮都未熄滅過，就好似歌名咁用「相信」嘅力量去化解佢[3]。
華晨宇喺呢隻歌嘅結尾部分都請咗唔少歌手、演員，用佢哋嘅方言去念白參與呢次製作。有袁弘、張歆藝、何炅、黃渤、沈騰、趙薇、張一山、胡彥斌、宋丹丹、楊紫等演藝人員[3]。
參考
編輯- ↑ 〈華晨宇公益歌曲《你要相信這不是最後一天》歌詞公布，感人肺脯〉。存滿娛樂網。2020-02-21。喺2020-11-06搵到。
- ↑ 汪荔誠 (2020-02-25)。〈你要相信這不是最後一天！90後湖北歌手華晨宇創作戰「疫」公益單曲給患者打氣〉。文匯報。喺2020-11-06搵到。
- ↑ 3.0 3.1 〈华晨宇抗疫歌曲《你要相信这不是最后一天》坚信美好〉。新華網。2020-02-27。原著喺2020-10-23歸檔。喺2020-11-06搵到。