保衞戰隊之出動喇！朋友！
《保衞戰隊之出動喇！朋友！》（Let's Go!，前稱《小雙俠》）係香港導演黃精甫喺2011年完成嘅動作港產片，由麥浚龍、鄧麗欣、林家棟主演，陳自強監製。本片亦係黃精甫、麥浚龍兩人繼《復仇者之死》後再度合作。於2011年11月10日正式上映。
| 保衞戰隊之出動喇！朋友！ Let's Go! | |
|---|---|
| 資料明細 | |
| 導演 | 黃精甫 劉信豪 |
| 監製 | 陳自強 麥浚龍 |
| 編劇 | 黎德堅 甄栢榮 |
| 主演 | 麥浚龍 鄧麗欣 林家棟 |
| 攝影 | 王金城（HKSC） |
| 剪輯 | 張嘉輝（HKSE） 黃精甫 |
| 製片商 |  晉弘影業有限公司博榮創建有限公司 |
| 片長 | 96分鐘 |
| 產地 |  香港 |
| 話 | 粵語 |
| 上畫同發行 | |
| 上畫日期 | 2011年11月10日 |
| 發行商 | 發行工作室（香港）有限公司 |
片中出現咗日本機械人動畫《宇宙大帝God Sigma》喺機械人身影，並採用咗當時張國榮主唱嘅中文版主題曲《宇宙大帝》作本片嘅主題曲，片頭字幕更模仿咗該動畫嘅開場片段。片中所出現嘅God Sigma機械人肖像亦得到東映公司授權使用。
本片係2011年香港亞洲電影節參展作品。
本片亦係陳自強、麥浚龍所新成立嘅晉弘影業有限公司嘅創業作。
創作起源
編輯黃精甫直言細個受《宇宙大帝God Sigma》嘅影響，引發佢拍本片時「將打壞蛋、消滅壞人嘅情節以真人版拍出嚟，鼓勵觀眾以實際行動伸張正義。」[1]
故事
編輯演員
編輯- 麥浚龍 飾 李小雙，本片主角，自細有正義感，但係信念因細個嗰時阿爸嘅死而動搖過。原茶餐廳夥計，後嚟加入咗松本集團。
- 鄧麗欣 飾 安妮，黑幫組織松本集團嘅太子女。
- 溫超 飾 大鵬，性格戅直，成日夢想同小雙成立保衞戰隊。
- 夏文汐 飾 小雙阿媽，小巴司機，自小雙阿爸死後一直母兼父職。
- 林嘉華 飾 小雙阿爸，喺小雙細個嗰時因一次阻擋匪徒作案而被當場射殺。
- 林家棟 飾 鄺盛，原本係松本集團嘅保安主管，後嚟因為黑吃黑而殺咗老闆同自己嘅同僚。
- 曹格 飾 暗中保護小雙嘅警察
- 王羽 飾 黑幫組織松本集團嘅老闆，安妮阿爸。
- 盧惠光 飾 松本集團保鑣
- 錢小豪 飾 松本集團保鑣
- 何華超 飾 松本集團保鑣
- 黃德斌 飾 松本集團保鑣
工作人員
編輯宣傳標語
編輯- 呢個世界，英雄原來無處不在
參考
編輯- ↑ 《重現宇宙大帝勇氣熱誠》，entnm!hk 娛樂消閒資訊雜誌，2011年10月28日