個人收入

個人收入（英文：Personal income）講緊喺經濟學入面國民收入分配到個人手度之前，喺應扣除或應加入實際攞到嘅所得總額^[1]。

投資編輯

有關攞個人收入做投資，一種常用嘅方法係平均成本法（DCA），DCA 做法如下：投資者每月攞自己入息裡邊其中一橛仔（例如 500 文）出嚟投資，例如買黃金呀噉；呢種做法相對於（例如）一次過攞 20,000 文出嚟買一大批股票；如是者儲吓儲吓，過咗若干年之後呢位投資者就會儲到好多投資，可以趁價高，賣晒手上啲貨佢—噉做嘅利潤可以有成 25 至 50% 咁多，然後佢就可以用賺到嘅呢一筆錢去幫手買車或者買樓^[2]。

平均成本法被指有好多優點，例如係入場門檻低，可以訓練自己嘅紀律，又可以避免「唔好彩，落手嗰陣撞啱市場處於不利狀態」嘅風險... 等等。呢種策略被指係好適合唔同嘅人士—例如啱啱出嚟社會做嘢嘅年輕人，或者想儲錢第時供仔女讀書嘅父母呀噉^[3]。