偶蹄目

偶蹄目（Artiodactyla）係哺乳動物嘅一個大目，大約有220幾種，當中包括好多對人類生活好重要嘅動物。偶蹄目係而家進步繁盛嘅有蹄動物，現存嘅有蹄動物當中偶蹄目就佔咗9成，其中又以牛科（Bovidae）最為繁盛。

How to read a taxobox 偶蹄目 / 偶蹄動物 化石年代：始新世早期 - 而家
聖地牙哥動物園裏面馬塞長頸鹿（Giraffa camelopardalis tippelskirchi）嘅右腳蹄
物種分類
界 動物界 門 脊索動物門 綱 哺乳綱 下綱 真獸亞綱 Superorder: Laurasiatheria 目 偶蹄目* Owen, 1848
Families
Antilocapridae 牛科 駱駝科 鹿科 長頸鹿科 河馬科 Moschidae 豬科 Tayassuidae Tragulidae Leptochoeridae † Dichobunidae † Cebochoeridae † Entelodontidae † Anoplotheriidae † Anthracotheriidae † Cainotheriidae † Agriochoeridae † Merycoidodontidae † Leptomerycidae † Protoceratidae † Oromerycidae † Xiphodontidae † Amphimerycidae † Helohyidae † Gelocidae † Dromomerycidae † Raoellidae † Choeropotamidae † Sanitheriidae † Climacoceratidae † Palaeomerycidae †

進化

偶蹄目係由古新世嘅踝節目動物進化而嚟。基本上由始新世開始一直分化。中新世同上新世係進化嘅最頂峰。

外形上，早期嘅偶蹄目好似而家嘅鼷鹿（Tragulidae）：細隻，短腿，食葉為生。始新世晚期（大概4600萬年前），3個現代目已開始分化：豬形亞目、胼足亞目同反芻亞目。但係偶蹄目並未佔據生態主導地位，當時係奇蹄目嘅繁盛時期。偶蹄目只可佔據一啲邊緣生態位艱難維生。但係同時佢哋亦喺呢個時候開始咗複雜嘅消化系統嘅進化，從而能夠以低級食料為生。

始新世開始出現草。中新世嘅時候全球氣候變得乾燥少雨，好多雨林枯萎，草原開始發育，並向全球蔓延開嚟。草本身非常難消化，得擁有複雜消化系統嘅偶蹄目先可以有效咁利用呢種粗糙、低營養嘅食物。好快偶蹄目就取代咗奇蹄嘅生態位置，成為食草動物嘅主導。

偶蹄目可分為2大類，但各類內部形態差異好大。豬形亞目（豬（Suidae）、西猯（Tayassuidae）同河馬（Hippopotamidae））保留四趾，臼齒簡單，腿短。犬齒變大成獠牙。除咗河馬之外，佢哋屬於雜食動物，胃嘅構造簡單。駱駝類同反芻類就相反，傾向於長腿、兩趾同複雜嘅頰齒（用嚟適應食草）同埋一個好複雜嘅胃。隨住消化系統嘅出現，佢哋有反芻行為：將半消化狀態嘅食團吐返嘴裏面重新加以咀嚼後再吞落肚以獲取對養分嘅最大程度利用。

根據分子生物學嘅研究，早期嘅偶蹄目中同河馬親緣最接近嘅係一支食肉偶蹄目，即中獸類，喺始新世返落大海，演化成而家嘅鯨魚。

偶蹄目同人類

偶蹄目對人類好重要。由史前開始偶蹄目動物就係係人類嘅主要蛋白質來源，係古代人類嘅重要嘅狩獵對象。

法國同西班牙嘅岩洞裏面留低嘅畫。克羅馬嘅壁畫，裏面有好多野牛、北山羊等偶蹄動物。幾乎所有人類文明都有偶蹄動物嘅存在（例如舊大陸各文明嘅牛、羊、駱駝，南美印第安人文明嘅駱馬、羊駝等）。人類最早馴養嘅家畜就有偶蹄動物。偶蹄動物係構成人類畜牧業同埋農業嘅重要成分，係人類最主要嘅肉、乳制品來源，亦係皮革業嘅重要來源。

分類

• 豬形亞目
  • 豬科：豬、鹿豚、疣豬等
  • 河馬科：河馬、倭河馬
  • 西猯科：西猯

• 胼足亞目
  • 駱駝科：駱駝、駱馬、羊駝、駝羊

• 反芻亞目
  • 鼷鹿科：小鼷鹿
  • 麝科（Moschidae）：麝
  • 鹿科：諸多鹿
  • 長頸鹿科：長頸鹿、霍加狓
  • 叉角羚科：叉角羚
  • 牛科：牛、羊、羚羊

睇埋

• 奇蹄目