小鼷鹿

小鼷鹿又叫鼠鹿，係一種體形好細隻嘅原始反芻動物。

How to read a taxobox 小鼷鹿
小鼷鹿
瀕危指標
最唔使理（Least Concern） (LC)
物種分類
界 動物界 Animalia 門 脊索動物門 Chordata 綱 哺乳綱 Mammalia 目 偶蹄目 Artiodactyla 科 鼷鹿科 Tragulidae 屬 鼷鹿屬 Tragulus 種 小鼷鹿 T. javanicus
二元學名
Tragulus javanicus Osbeck, 1765

分佈

小鼷鹿分布喺中國雲南南部、中南半島、婆羅洲同印尼既爪哇同蘇門答臘。

外形特徵

體形比野兔大些少，體重 1.3-2.0 kg，身長 420-630 mm，肩高大約 200 mm，係僅次於蹄兔目成員最細嘅有蹄動物，亦係鼷鹿科之中最細隻嘅一種。塊面尖長，冇角，雄性有發達嘅獠牙，四肢細長，前肢較短。

生活習性

小鼷鹿行動十分靈敏，最叻匿埋。夜晚出沒，性格謹慎細膽，除咗繁殖期，多數單獨活動。日頭匿埋響草叢，動作相當敏捷機警，跑嗰時好似兔咁跳躍。游水之後會暫時喪失行走能力。主要生活喺熱帶山地丘陵茂密嘅森林灌叢同草叢。有時會走入農田。食掉跌咗落地嘅野果同野花，亦食葉，幼苗同青草。

小鼷鹿嘅懷孕期有 5-6 個月。鼷鹿乸生完仔 48 個鐘之後就可以就次受孕，可以一變喂奶一邊懷胎。每胎一至二隻鼷鹿 BB。鼷鹿 BB 出世半年後就性成熟。

保護狀況

小鼷鹿棲息地受人類活動嘅影響好大，人嘅建設破壞嚴重小鼷鹿匿埋嘅地方，佢亦受到狩獵嘅威脅，人為咗食佢既肉而捉佢哋。目前，小鼷鹿係中國國家一級受保護動物，列入濒危野生動植物種國際貿易公約附錄。

響香港，現時香港濕地公園同香港動植物公園都有養小鼷鹿，而以前香港公園開幕後，裏面嘅尤德觀鳥園亦有養小鼷鹿。