鯨魚屬於鯨目Cetacea)嘅生物,係海洋哺乳動物,大部份住喺海洋。雖然鯨魚呢個名有個魚字,但係佢哋係哺乳動物,唔係。目前,科學分別到嘅鯨魚有大約 80 個品種

How to read a taxoboxWikipedia:點樣睇生物分類框
How to read a taxobox

化石年代:始新世早期 - 而家
跳出水面嘅座頭鯨
跳出水面嘅座頭鯨
物種分類
動物界 Animalia
脊索動物門 Chordata
亞門(Subphylum): 脊索動物亞門 Vertebrata
哺乳綱 Mammalia
鯨目
Brisson, 1762
亞目

(科:睇正文)

構造 編輯

鯨魚嘅後肢已經退化(除咗古鯨亞目之外)。前肢同尾進化成鰭,方便喺水中移動。有啲品種嘅背脊重有一個由皮膚做成嘅背鰭。鯨魚嘅背鰭係無骨嘅。因水有浮力,佢哋嘅肋骨脆弱,又無外耳。鯨目動物腦部發達,好聰明。

其中抹香鯨個頭有全身三分之一咁長,裝住已知最大嘅腦,重達 7 kg[1]。而樽鼻海豚最聰明,佢哋嘅智商可以有三歲細路咁高。

分類 編輯

界:動物
門:脊索動物門
綱:哺乳綱
目:鯨目
亞目:古鯨亞目(絕種)
亞目:齒鯨亞目
亞目:鬚鯨亞目

保育 編輯

大部份嘅鯨魚都係瀕危品種,有絕種可能。即係數量好少。因繁殖能力差,一胎只可以有一隻,生長期又耐,好耐先可以成熟。加上人類嘅過量捕殺,生存機會就更渺茫。雖然好多國家都有設保護自己本土鯨魚嘅組織,但係唔係自己領土就理都唔理。

目前,好少環保組織保護鯨魚,得綠色和平WDCSIFAW幾個。

國際綠色和平分部『海洋保護者』(Ocean Defenders)表示,人類同其他組織都唔明白保護鯨魚嘅重要性。

香港,目前大約有 16 種鯨豚出現記錄,除咗中華白海豚江豚喺香港水域定居之外,其餘大部分都係擱淺或者意外闖入嘅。所有海洋哺乳動物喺香港都受到法例保護。

捕鯨 編輯

內文:捕鯨
 
死咗嘅弓頭鯨(Bowhead Whale)

捕殺鯨魚有分科研性捕鯨同埋商業性捕鯨。科研性即係用捉返來嘅鯨魚來做研究;商業性捕鯨,係捉鯨魚來食。

目前,國際捕鯨協會(International Whaling Commission,縮寫IWC)已禁止一切商業性捕鯨,但日本挪威冰島都用科研為理由捕殺鯨魚,事實上係捉鯨魚來食,即係商業性捕鯨。利用呢條法律罅(音 la3),日本總共成功捕鯨 41 次。

日本重用鯨肉來做學生飯盒,想新一代嘅日本人食多啲鯨魚,等日本啲鯨肉製作有錢收,惹起各生物學者同鯨魚迷反感。

2006年1月,綠色和平企圖出海阻止日本嘅鯨類研究所,鯨類研究所冇讓步,用捕鯨船『第一京丸』(Kyomaru 1)重有『日新丸』(Nisshin Maru)同綠色和平撞船。『第二勇新丸』(Yushin Maru 2)向綠色和平嘅工作人員噴水,『勇新丸』(Yushin Maru)嘅捕鯨者用水同鯨血噴綠色和平嘅工作人員。因為爛船,綠色和平唯有去整船,令鯨類研究所成功捕獲 845 條鯨魚,其中有品種係受保護品種。

2006年11月15號,日本出咗 6 隻前往南極嘅捕鯨船,準備捉 945 條鯨魚,分別係 935 條小鬚鯨同埋 10 條長鬚鯨,又話好可能會捉 50 條座頭鯨,但係,因為捕鯨船着火,未能如願。

2008年,日本打算喺南極捉超過一千條鯨魚,兼去埋澳洲海域捉50條就嚟絕種嘅座頭鯨。澳洲強烈反對,日本就話澳洲歧視日本人,因為捕鯨係日本人嘅「文化」。日本各個機構成日話,捕鯨係日本人嘅文化,重話任何反捕鯨嘅人都係對日本人種族歧視,去到2008年更話埋澳洲歧視日本。[2]

參考 編輯

  1. Ocean Defender 綠色和平嘅分部之一,有新聞同 blog
  2. Greenpeace Forum 綠色和平論壇,有鯨魚討論區
  3. 捕鯨電視頻道 有影片同埋綠色和平嘅電視,包括撞船、捕鯨過程之類嘅影片
  4. 海洋澳秘 由國際綠色和平論壇壇主開嘅中文或廣東話網站(主要觀眾係青少年,所以口氣比較俗語化同簡單)
  5. 保護海洋電視頻道 有噴水噴血,反船環節
  6. No Whaling Campaign 有中文版,內含鯨魚同捕鯨資料,重有好多簽名活動

延伸閱讀 編輯